Старшыня раённага Савета дэпутатаў Аляксандр Бараноўскі і намеснік старшыні райвыканкама Вадзім Бялятка ў рамках электаральнай кампаніі пагаварылі з калектывамі ўпраўлення па працы, занятасці і сацыяльнай абароне райвыканкама і Цэнтра сацыяльнага абслугоўвання наельніцтва Дзятлаўскага раёна аб развіцці Беларусі як прэзідэнцкай рэспублікі.
– Беларусь паспяхова развіваецца, на сёння ў нас стабільная грамадска-палітычная сітуацыя, дасягнуты значныя вынікі не толькі ў эканамічным, але і сацыяльным развіцці, – падкрэсліў Вадзім Бялятка. – Галоўнае, аб чым цяпер належыць паклапаціцца, як неаднаразова адзначаў Прэзідэнт, – гэта выхаванне падрастаючага пакалення, якое будзе вызначаць далейшы лёс нашай дзяржавы. У Беларусі пабудавана надзейная сацыяльна арыентаваная сістэма, каб яна і надалей функцыянавала і развівалася, важна, хто прыйдзе кіраваць краінай заўтра.
Аляксандр Бараноўскі больш падрабязна спыніўся менавіта на дасягненнях раёна:
– Нягледзячы на тое, што эканоміка падверглася санкцыям, якія асабліва паўплывалі на экспартаарыентаваныя прадпрыемствы нашага раёна, мы змаглі выйсці на шлях паспяховага развіцця.
Расказаў Аляксандр Станіслававіч пра поспехі прамысловасці, сельскай гаспадаркі ў сферы жывёлагадоўлі і рэкордным намалоце зерневых з кукурузай, які ўпершыню перасягнуў 100 тысяч тон. Увогуле падкрэсліў, што за мінулы год былі выкананы ўсе даведзеныя паказчыкі. Актыўнымі тэмпамі ішло добраўпарадкаванне, капітальныя рамонты жылога фонду, медыцынскіх установаў і школ, будаўніцтва, асфальтаванне дарог. Пачаты рамонт Новаяльнянскай гарадской бальніцы, будзе ў гарпасёлку пабудавана і новая паліклініка. Цэнтральнай раённай бальніцай ужо набыты новы мабільны ФАП, які будзе забяспечваць патрэбы ў медабслугоўванні жыхароў аддаленых вёсак. Усяму гэтаму спрыяе ўпэўненае развіццё эканомікі Дзятлаўшчыны. Робіцца ўсё, каб людзі жылі шчасліва і камфортна, і ў гэтым заслуга працоўнага насельніцтва, у тым ліку работнікаў сферы сацыяльнай абароны, якія клапоцяцца аб уразлівых катэгорыях дзятлаўчан.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#Президент #Выборы
