Кіраўніцтва ДЛГУ «Дзятлаўскі лясгас» характарызуе Івана Мікалаевіча Мясаеда, вадзіцеля на вывазцы лесу, як стараннага і адказнага працаўніка, тэхніка якога заўжды дагледжана.
А даглядаць ёсць што: магутны «МАЗ-лесавоз» з прычэпам за працоўны дзень грузіць, перавозіць, разгружае каля 70 кубічных метраў драўніны, за месяц набягае лічба звыш тысячы кубоў, і ўсё гэта па лясным бездарожжы раёна. Дзесяць гадоў Іван Мікалаевіч Мясаед працуе ў Дзятлаўскім лясгасе, ужо шосты год пайшоў, як у любое надвор’е садзіцца ён за руль сваёй вялікай машыны. Летам пераадольвае на ёй пяскі, зімой — снежныя заносы, увесну і восенню — гразь. Працаваць у такіх умовах дапамагае вадзіцельскі вопыт, дасягаць высокіх вынікаў — стараннасць.
Іван Мікалаевіч зазначае, што работа яму падабаецца, бо штодзень можна любавацца маляўнічымі краявідамі, дыхаць чыстым паветрам, а поспех прыходзіць да таго, хто не лянуецца. Калегам па галіне да прафесійнага свята Іван Мясаед зычыць шчасця і моцнага здароўя, без якога ў лясной гаспадарцы працаваць немагчыма.
Тэкст: І. КАЎКЕЛЬ
Фота: П. АДАМЧУК
9 ліпеня член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй…
Пад такой назвай у Дзятлаўскай раённай бібліятэцы 9 ліпеня прайшоў дыялог пакаленняў, прысвечаны дню вызвалення…
Аляксандр Бургун, ваенны камісар Дзятлаўскага раёна: – У Дзень Перамогі мы ўзгадваем продкаў, якія адстаялі…
9 ліпеня каля помніка Героям Савецкага Саюза Яну Фогелю і Паўлу Пятрову ў гарадскім парку…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
14 ліпеня з 14 да 16 гадзін адбудзецца прамая тэлефонная лінія з начальнікам АУС Дзятлаўскага…