У рамках святкавання 165-годдзя пажарнай службы Рэспублікі Беларусь на Дзятлаўшчыне прайшлі спаборніцтвы па валейболе.
Сустрэча ладзілася ў спартыўнай зале сярэдняй школы №3 горада Дзятлава. Яе арганізатарамі сталі Дзятлаўскі раённы аддзел па надзвычайных сітуацыях і раённы камітэт ГА “БРСМ”.
На пляцоўцы сустрэліся чатыры каманды – Дзятлаўскага РАНС, зборная пажарных аварыйна-ратавальных пастоў, каманда раённага аддзела Дэпартамента аховы, каманда аграгарадка Хвінявічы.
Удзельнікаў павітаў, пажадаў ім задавальнення ад спартыўных баталій і выніковай гульні намеснік начальніка па ідэалагічнай рабоце і кадравым забеспячэнні Дзятлаўскага РАНС Аляксандр Беленка.
Пасля жараб’ёўкі і традыцыйнага вітання спартсменаў на пляцоўцы разгарнулася гарачая барацьба. Напачатку было складана рабіць прагнозы, бо кожная з каманд была моцным сапернікам. Усе яны згулялі па дзве гульні, а лідар вызначыўся па найбольшай колькасці набраных балаў.
Знакава, што пераможцамі спаборніцтваў па валейболе ў год юбілею сталі супрацоўнікі Дзятлаўскага раённага аддзела па надзвычайных сітуацыях. “Срэбра” турніру дасталося камандзе раённага аддзела Дэпартамента аховы, “бронзавым” прызёрам стала каманда аграгарадка Хвінявічы, чацвёртымі па балах завяршылі сустрэчу пажарныя аварыйна-ратавальных пастоў.
Лідары былі вызначаны і па некалькіх індывідуальных намінацыях. Так, “Лепшым нападаючым” стаў Дзяніс Русін (каманда Дзятлаўскага РАНС), “Лепшым блакіруючым” – Дзяніс Грынцэвіч (каманда раённага аддзела Дэпартамента аховы), “Лепшым пасуючым” – Раман Вашкевіч (зборная аграгарадка Хвінявічы).
Каманды-пераможцы і лідары намінацый атрымалі ўзнагароды ад Дзятлаўскага раённага аддзела па надзвычайных сітуацыях і прызы ад раённага камітэта ГА “БРСМ”.
Ірына СТЫРНІК
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
View Comments
С праздником, спасатели!