У гаспадарчайдзейнасцідаволічастаўзнікаюцьсітуацыі, калі неабходна тэрмінова ўстанавіць, існуе тая ці іншая фірма або яна ўжо ліквідаваная.
Бывае, што крэдытор на апошнім годзе тэрміну іскавай даўнасці падае іск у суд аб спагнанні доўгу, а даўжнік ужо не існуе.
Як пацвердзіць наяўнасць юрыдычнай асобы? Па законе – з дапамогай выпіскі з Адзінага дзяржаўнага рэгістра юрыдычных асоб і індывідуальных прадпрымальнікаў (АДР). Інфармацыя з АДР можа прадастаўляцца службай “адно акно” райвыканкама і Міністэрствам юстыцыі.
Для атрымання яе ў службе “адно акно” заяўніку неабходна прадаставіць:
заяву (запыт) аб прадастаўленні інфармацыі з АДР;
дакумент, які пацвярджае аплату дзяржаўнай пошліны (касавы чэк, плацежнае даручэнне), або дакумент, які пацвярджае права на вызваленне ад яе выплаты.
ПамердзяржаўнайпошліныўстаноўленыПадатковымкодэксамі складаеадну базавую велічыню па кожным суб’екце гаспадарання за кожны экзэмпляр выпіскі.
Артыкулам 285 Падатковага кодэкса ўстаноўлены выпадкі вызвалення фізічных асоб ад выплаты дзяржаўнай пошліны за прадастаўленне інфармацыі з АДР у сувязі з неабходнасцю: атрымання звестак аб суб’ектах прадпрымальніцкай дзейнасці, якія ажыццяўляюць дзейнасць, звязаную з працаўладкаваннем грамадзян Рэспублікі Беларусь за мяжой; збора і распаўсюджвання (у тым ліку ў сетцы Інтэрнэт) інфармацыі аб фізічных асобах у мэтах іх знаёмства; аказання псіхалагічнай дапамогі; абароны правоў спажыўцоў; налічэння пенсій, сацыяльных дапамог і іншых сацыяльных выплат. Дакументамі, якія пацвярджаюць права на вызваленне ад выплаты дзяржаўнай пошліны ў названых выпадках, напрыклад, з’яўляюцца касавы чэк, дагавор на аказанне паслуг, копія працоўнай кніжкі, пасведчанне аб нараджэнні дзіцяці і інш. Ад выплаты дзяржаўнай пошліны за прадастаўленне інфармацыі з Адзінага дзяржаўнага рэгістра юрыдычных асоб і індывідуальных прадпрымальнікаў таксама вызваляюцца: дзяржаўныя арганізацыі, падпарадкаваныя (падсправаздачныя) Прэзідэнту Рэспублікі Беларусь або падпарадкаваныя Савету Міністраў Рэспублікі Беларусь, Нацыянальная акадэмія навук Беларусі, арганізацыі па дзяржаўнай рэгістрацыі нерухомай маёмасці, правоў на яго і здзелак з ёй, а таксама натарыусы, Дзяржаўная ўстанова “Агенцтва па гарантаванай кампенсацыі банкаўскіх укладаў (дэпазітаў) фізічных асоб; арганізацыі, якія ажыццяўляюць улік, разлік і налічэнне платы за жыллёва-камунальныя паслугі і платы за карыстанне жылым памяшканнем (за выключэннем арганізацый, якія ўваходзяць у састаў аб’яднанняў “Белпалівагаз” і “Белэнерга”) у мэтах прадастаўлення безнаяўнай жыллёвай субсідыі; арганізацыі, якія назначаюць і выплачваюць дзяржаўныя дапамогі сем’ям, якія выхоўваюць дзяцей, а таксама часовы (антыкрызісны) кіраўнік, прызначаны судом для ажыццяўлення сваіх паўнамоцтваў у працэдурах эканамічнай неплацежаздольнасці (банкруцтва).
Ёсць таксама магчымасць падаць заяву аб прадастаўленні звестак з АДР непасрэдна ў Міністэрства юстыцыі Рэспублікі Беларусь з дапамогай сеткі Інтэрнэт. Для падачы такой заявы неабходна зайсці на партал egr.gov.by
Звяртаем увагу!
Служба “адно акно” размяшчаецца па адрасе: г. Дзятлава, вул. Чырвонаармейская, 21 (уваход з тарца). Працуе служба па зручным для грамадзян графіку: панядзелак, аўторак, чацвер, пятніца з 8.00 да 17.00, серада з 8.00 да 20.00 без перапынку на абед. Субота, нядзеля – выхадныя дні.
Станіслава ГАНЧАР,
галоўны спецыяліст аддзела па юрыдычнай рабоце, зваротах грамадзян і юрыдычных асоб райвыканкама, кіраўнік службы “адно акно”
