Дзятлаўскія вернікі адзначылі ўрачыстасць Божай Маці, памочніцы хрысціян.
Святочнае богаслужэнне прайшло ў касцёле Унебаўзяцця Найсвяцейшай Панны Марыі ў Дзятлаве.
Удзел у мерапрыемстве прыняў член Кангрэгацыі па справах духавенства і Асобага савета па справах Еўропы Генеральнага сакратарыята Сінода епіскапаў архібіскуп Тадэвуш Кандрусевіч. Дзятлаўчане цёпла сустрэлі святара: віталі госця з хлебам і соллю, кветкамі.
Служба пачалася з урачыстай працэсіі. У час шэсця вакол касцёла парафіяне разам са святарамі ў сваіх песнапеннях і малітвах праслаўлялі Ісуса Хрыста і Панну Марыю, прасілі іх заступніцтва і дапамогі.
Пасля працэсіі ў храме прайшла Святая імша.
Архібіскуп Тадэвуш Кандрусевіч павіншаваў усіх прысутных са святам, асвяціў у касцёле стаянне крыжовага шляху і Астрабрамскую ікону Божай Маці.
Прыемным момантам святочнага богаслужэння стала ўшаноўванне ксяндза Здзіслава Пікулы з нагоды 50-годдзя, як ён прынёс свой першы манаскі зарок. Прыхаджане падзякавалі ксяндзу за тое, што ён ужо на працягу васьмі гадоў нясе веру ў сэрцы і душы дзятлаўчан, свята служыць людзям і Богу, дзеліцца мудрасцю, вучыць хрысціянскаму жыццю, дорыць свет, надзею і любоў. Святару пажадалі моцнага здароўя, дабрабыту, даўгалецця і Божай дапамогі ва ўсіх справах і пачынаннях.
Вадзім ФІЛІПОЎСКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga