Хто сказаў, што ў Дзятлаве няма чаго паглядзець? Вось, напрыклад, па вуліцы Міцкевіча, 4 у райцэнтры ёсць галерэя.
Толькі наведванне такой арт-прасторы чамусьці пакідае не асалоду, а агідна-непрыемнае пачуццё.
Афіцыйна гэта месца вызначана як інтэрнат, арэнднае жыллё. Тут па рэзалюцыі раённых уладаў атрымліваюць кватэры маладыя спецыялісты, работнікі арганізацый раёна, шматдзетныя (і не толькі) сем’і.
Як яны жывуць і што робяць за парогам сваіх кватэр, старонніх асобаў не датычыцца, а вось месцы агульнага карыстання могуць уразіць любога. Не будзем грашыць, ускладаючы віну на ўсіх жыхароў інтэрната: прысутнічаюць тут месцы, дзе адказна сочаць за парадкам. Але ёсць і такое, што інтэлігентны чалавек словамі апісаць не здольны: выбітае шкло, вырваныя элементы дзвярэй, заклееныя шэрым будаўнічым скотчам, смецце і бруд побач з дзіцячым транспартам, адзінокая сушылка для рук у выкінутым рукамыйніку… Асобнага апісання патрабуе насценны і надзверны “жывапіс”. З меркаванняў цэнзуры мы не можам паказаць гэтыя “шэдэўры” цалкам. Аўтарамі з’яўляюцца самі юныя жыхары інтэрната або кампаніі мясцовай моладзі. Сцвярджаць дакладна таксама не бяромся. Вымалёўваецца наглядная карціна на тэму: “Усё вакол калгаснае, усё вакол маё”, калі жывуць усе, а ніхто не адказвае. Вельмі зручна, аказваецца!
У Дзятлаўскім РУП ЖКГ на пытанне пра парадак у інтэрнаце заўважаюць, што яшчэ калі арэнднае жыллё ўводзілася ў эксплуатацыю пасля рамонту, была запланавана працоўная стаўка прыбіральшчыка агульных памяшканняў. Аднак большасць жыхароў не была зацікаўлена ў такіх паслугах. У выніку – маем, што маем. А наконт размаляваных сцен і выбітага шкла, што з’яўляюцца праблемай не толькі для гэтага, але і іншых інтэрнатаў Дзятлаўшчыны, усё прасцей і сур’ёзней: калі самадзейныя “мастакі”-вандалы будуць выяўлены, разбірацца з імі будзе не ЖКГ, а міліцыя.
Атрымліваецца, дабро, зробленае дзяржавай для людзей, імі ж і абясцэньваецца. І незразумела, як гэту з’яву спыніць. Яшчэ адно застаецца няясным: як навасёлам і маладым спецыялістам без ванітаў зайсці ва ўласную кватэру праз такі пад’езд.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Сёлета ўдзельнікамі гэтага сямейна-спартыўнага свята на Дзятлаўшчыне стала 51 сям’я з Дзятлава і раёна, Шчучына,…
У ваенным камісарыяце Дзятлаўскага раёна ў рамках мабілізацыйных вучэнняў, якія праходзяць на тэрыторыі Гродзенскай вобласці…
Пытанне: мне патэлефанавалі і прапанавалі задэклараваць грашовыя сродкі. Мяркую, што гэта махляры. Як паводзіць сябе…
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…