Сёння работнікі культуры раёна правялі для вучняў дзятлаўскай СШ №1 канцэртна-тэматычную праграму да Дня Дзяржаўнага герба і Дзяржаўнага сцяга Рэспублікі Беларусь.
– Штогод у другую нядзелю мая ў нашай краіне адзначаецца Дзень Дзяржаўнага герба і Дзяржаўнага сцяга Рэспублікі Беларусь, зазначыла, у прыватнасці, вядучая праграмы Наталля Маліноўская. – Герб і сцяг – галоўныя сімвалы краіны, якія адлюстроўваюць палітычную самастойнасць і незалежнасць Беларусі. Павага да галоўных дзяржаўных сімвалаў – гэта выяўленне патрыятызму, адказнасці за сёння і заўтра сваёй Айчыны, гонар за слаўныя баявыя і працоўныя здзяйсненні народа.
Арганізатары мерапрыемства расказалі прысутным, што сімвалізуюць выявы і колеры герба і сцяга Рэспублікі Беларусь, а таксама герба і сцяга Дзятлава. Ала Чарняўская, Марына Варган, Уладзіслаў Ракуць выканалі песні патрыятычнай тэматыкі.
