Адбылося чарговае пасяджэнне каардынацыйнага савета райвыканкама па кантролі за выкананнем Дэкрэта № 18.
Члены савета прааналізавалі выкананне 12 раней прынятых рашэнняў аб прызнанні непаўналетніх у сацыяльна небяспечным становішчы і спынілі дзеянне пяці з іх.
Навучыцца жыць мірна
Такая задача стаіць перад бацькамі трохгадовай дзяўчынкі і аднагадовага хлопчыка. Сям’я знаходзіцца ў сацыяльна ненадзейным становішчы з-за паводзінаў дарослых і іх сяброўства з алкаголем. На папярэднім пасяджэнні каардынацыйнага савета некалькі месяцаў, таму бацькам рэкамендавалі наведаць доктара-нарколага, але да гэтага часу дарослыя так і не пабылі ў спецыяліста.
Не так даўно бацька ўладкаваўся на працу, наймальнік характарызуе яго станоўча. Службы прафілактыкі пры наведванні сям’і таксама ні разу не засталі мужа і жонку п’янымі. Аднак раней, у верасні, на бацьку быў складзены адміністрацыйны пратакол за скандал з жонкай. Як высветлілася, паміж дарослымі перыядычна ўзнікаюць непаразуменні, таму было вырашана прадоўжыць работу з сям’ёй. Старшыня каардынацыйнага савета Ігар Кухарэвіч пераканаўча рэкамендаваў бацькам на працягу бліжэйшых двух тыдняў схадзіць да доктара-нарколага.
Больш клапаціцца пра дачку
Каардынацыйнаму савету Дзятлаўскага райвыканкама з аднаго з каледжаў вобласці паступіла хадайніцтва з просьбай разгледзець паводзіны бацькі адной з навучэнак установы, якая родам з Дзятлаўшчыны.
Справа ў тым, што ў дзяўчынкі не заўсёды ёсць харчовыя прадукты і грошы, ёй даводзіцца жыць на стыпендыю, яна часта хварэе, але ёсць і пропускі заняткаў без уважлівых прычын. У час хваробы навучэнка найчасцей едзе не дахаты, а да сваёй цёткі ў іншы раён. Калі высвятлялі, чаму так адбываецца, прыйшлі да высновы, што паміж бацькам і дачкой не наладжаны даверлівыя адносіны. Мужчына мала ўвагі звяртае на выхаванне дзяўчынкі і забеспячэнне яе жыццёвых патрэбаў.
На жаль, сям’я навучэнкі каледжа, дзе гадуецца яшчэ і непаўналетні сын-школьнік, даўно знаходзіцца ў сацыяльна ненадзейным становішчы. Непаразуменні паміж бацькам і дачкой узнікалі і раней, але мужчына адмаўляўся ад дапамогі псіхолага.
Службы прафілактыкі раёна трымаюць сітуацыю на кантролі, перыядычна наведваюць сям’ю. У час такіх візітаў адзначаюць, што для малодшага дзіцяці дома створаны неабходныя ўмовы, а бацькі не былі заўважаны п’янымі.
Члены каардынацыйнага савета прынялі рашэнне прадоўжыць работу з сям’ёй, правесці размову з бацькам і прапанаваць яму ўсё ж такі згадзіцца на дапамогу псіхолага для паляпшэння бацькоўска-дзіцячых адносінаў.
Дзяўчынку могуць забраць
Матуля непаўналетняй дзяўчынкі, 2019 года нараджэння, прыехала на Дзятлаўшчыну з абласнога цэнтра пасля непаразуменняў з мужам. Сям’я знаходзіцца на ўліку як сацыяльна ненадзейная з-за незабяспечанасці дзіцяці ўсім неабходным для жыцця.
Галоўная праблема жанчыны – гэта адсутнасць навыкаў рацыянальна карыстацца грашыма. З-за гэтага дома перыядычна адсутнічаюць харчовыя прадукты або маюцца толькі крупы і бульба, а ў маці няма сродкаў, каб папоўніць іх запас. Сям’і рэгулярна дапамагаюць розныя службы раёна, але і гэта не паправіла сітуацыю.
Грошы жанчыне дае і дзядуля дзіцяці. Нядаўна ён прывёз неабходную суму для набыцця былога ва ўжыванні халадзільніка. Ці не будуць і гэтыя грошы бяздумна патрачаны, залежыць толькі ад маці.
На пасяджэнні каардынацыйнага савета жанчыну папярэдзілі, што і надалей яна будзе пад пільнай увагай службаў прафілактыкі, і падкрэслілі, што распачаты збор дакументаў на прызнанне яе дачкі маючай патрэбу ў дзяржаўнай абароне.
Таксама члены каардынацыйнага савета райвыканкама па кантролі за выкананнем Дэкрэта № 18 прааналізавалі яшчэ дзевяць раней прынятых рашэнняў аб прызнанні непаўналетніх у сацыяльна ненадзейным становішчы, па пяці з іх ранейшыя рашэнні былі адменены – дзеці зняты з уліку.
Святлана ЗАЛУЧАН,
намеснік старшыні камісіі па справах непаўналетніх райвыканкама
Сяргей СЁМУХА,
старшыня суда Дзятлаўскага раёна
Уладзімір СВЯТОХА,
першы намеснік начальніка АУС Дзятлаўскага райвыканкама
Ірына СТЫРНІК,
карэспандэнтка газеты “Перамога”, член камісіі
