З 22 па 24 чэрвеня ва ўрочышчы Рыбакі праходзіў раённы турысцкі злёт сярод працоўнай моладзі “Здаровы я – здаровая краіна!”, прысвечаны Году малой радзімы і 100-годдзю камсамола.
Арганізатарамі сёлетняга мерапрыемства сталі раённы камітэт ГА “БРСМ”, аддзел ідэалагічнай работы, культуры і па справах моладзі райвыканкама, Дзятлаўскі спартыўна фізкультурны клуб. Спаборніцкі момант курыраваў Дзмітрый Ёда, галоўны спецыяліст райвыканкама.
Cіламі сёлета мераліся 18 камандаў.
У якасці ганаровых гасцей на раённы моладзевы турысцкі злёт былі запрошаны Аляксандр Дубовік, старшыня Дзятлаўскага райвыканкама, Ігар Кухарэвіч, намеснік старшыні, Наталля Калодка, начальнік аддзела ідэалагічнай работы, культуры і па справах моладзі райвыканкама.
Аляксандр Дубовік павіншаваў прысутных з пачаткам спаборніцтваў, пажадаў пазітыўных эмоцый, цёплага надвор’я і перамогаў.
— Сёння на гэтай пляцоўцы сабраліся лепшыя каманды раёна. Жадаю ўсім добрага адпачынку, поспеху, новых сяброў. Лёгкіх стартаў, паспяховых фінішаў і з прыемнымі ўражаннямі вярнуцца ў свае калектывы.
Права ўзняць дзяржаўны сцяг прадаставілі камандзе Дзятлаўскага аддзела Дэпаратмента аховы – пераможцу мінулагодніх спаборніцтваў.
Усе тры дні турзлёту ў Рыбаках былі творчыя, актыўныя і багатыя на падзеі. Турысты спаборнічалі ў падыманні гіры, мас-рэслінгу, дартсе, падцягванні, велапрабегу, перацягванні каната, баях шарамі, праходзілі паласу перашкодаў, ладзілі быт турыста, гулялі ў валейбол, “Гарады”, удзельнічалі ў плаванні “На чым папала”.
Прызёраў і пераможцаў агульнакаманднага заліку спаборніцтваў узнагародзілі ў час закрыцця турысцкага злёту. Каманды, якія занялі 1-3 месцы, атрымалі медалі, дыпломы і прызы. Пераможцай сёлетняга раённага турзлёту стала каманда КСУП “Хвінявічы” (выніковая сума балаў – 327). На другім месцы – Дзятлаўскі РАНС (319,5). Каманда ААТ “Граніт-Агра” заняла трэцяе месца (311).
У наступным годзе ўрочышча Рыбакі зноў будзе прымаць на сваёй пляцоўцы чарговы турысцкі злет.
Ірына КАМАРОВА
Вольга ЮШКЕВІЧ
Эфектыўнае выкарыстанне дзяржаўнай маёмасці, скарачэнне выдаткаў на прадпрыемствах, пошукі грыбнікоў, падрыхтоўка да ацяпляльнага сезона –…
Кожны чалавек – гаспадар свайго жыцця, пакуль яно прадаўжаецца. Апошні спачын і дастойная пашана памерлым…
Для супрацоўнікаў міліцыі, якія днём і ноччу аберагаюць спакой грамадзян, любячая і моцная сям’я –…
В Беларуси днем 1 сентября во многих районах страны ожидаются грозы, по юго-востоку - сильные…
Белорус Евгений Золотой занял второе место на чемпионате мира по академической гребле в столице Нидерландов…
3 верасня з 14 да 16 гадзін у Дзятлаўскім раённым выканаўчым камітэце (вул. Леніна, 18,…