Заўсёды прыемным момантам з’яўляецца ўзнагароджанне.
Так супала, што сёння адзначаецца Дзень моладзі. І з гэтай нагоды падзячны ліст атрымала Кацярына Скробук за шматгадовую добрасумленную працу і актыўны ўдзел у грамадскім жыцці раёна.
Акрамя гэтага, старшыня райкама прафсаюза работнікаў АПК Уладзімір Казак уручыў падарункі камандам ААТ “Граніт-Агра”, КСУП “Войневічы” і зборнай камандзе КСУП “Русь-Агра” і “Белагурна”.
Прызёраў і пераможцаў агульнакаманднага заліку спаборніцтваў узнагародзілі ў час закрыцця турысцкага злёту. Каманды, якія занялі 1-3 месцы, атрымалі медалі, дыпломы і прызы. Пераможцай сёлетняга раённага турзлёту стала каманда ААТ “Граніт-Агра”. На другім месцы – КСУП “Хвінявічы”. Каманда ТАА “Ізакам” заняла трэцяе месца.
У наступным годзе ўрочышча Рыбакі зноў будзе прымаць на сваёй пляцоўцы чарговы турысцкі злет.
Вольга ЮШКЕВІЧ
