У Беларусі стартаваў рэспубліканскі кірмаш вакансій для пажылых і інвалідаў, да якога далучылася і Дзятлаўшчына.
Арганізацыі і прадпрыемствы нашага раёна сферы адукацыі, сельскай, лясной гаспадаркі, прамысловасці, энергетыкі прадаставілі вакансіі для людзей “сярэбранага” ўзросту і грамадзян з абмежаванымі магчымасцямі.
Наведвальнікаў кірмашу вакансій павітала намеснік начальніка аддзела па працы і занятасці ўпраўлення па працы, занятасці і сацыяльнай абароне райвыканкама Алена Савань. Яна павіншавала прысутных з Днём пажылых людзей, растлумачыла змяненні ў нацыянальным заканадаўстве, якія закранаюць інтарэсы пенсіянераў і інвалідаў, льготы для іх у плане працаўладкавання, аплаты працы і выплаты пенсіі.
– Вопыт, веды і энергія людзей “сярэбранага” ўзросту з’яўляюцца каштоўным рэсурсам для рынку працы, і сёння мы пастараемся дапамагчы кожнаму, хто хоча папрацаваць на заслужаным адпачынку, – адзначыла Алена Мікалаеўна.
Яна падкрэсліла, што асноўная задача кірмашу – стварыць спрыяльнае асяроддзе для прамога дыялогу паміж працадаўцамі, гатовымі прапанаваць вакансіі для людзей старэйшага ўзросту, і самімі суіскальнікамі.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
