Прышчэпка ад грыпу на варце здароўя

На Дзятлаўшчыне праходзіць кампанія па імунізацыі насельніцтва супраць вірусу грыпу.

Сёлета медыкі выкарыстоўваюць вакцыну “Грыпол плюс” расійскай вытворчасці. Што думаюць дзятлаўчане наконт прышчэпак?

– На мой погляд, зрабіць прышчэпку ад грыпу неабходна абавязкова, – гаворыць Наталля Глуская, медыцынская сястра  райпаліклінікі горада Дзятлава. – Карысць вакцынацыі ўжо даўно даказана. Неабходна разумець, што прышчэпка дапамагае, але не ратуе: у час эпідэміі  і прышчэплены чалавек таксама можа захварэць, але ўжо ў значна больш лёгкай форме. Людзі менш заражаюцца адзін ад аднаго, памяншаецца колькасць сур’ёзных ускладненняў са шпіталізацыяй, колькасць смяротных зыходаў ад ускладненняў хваробы, імунітэт становіцца мацнейшым.

Нават платная вакцына абыдзецца ў дзясяткі  разоў танней, чым само лячэнне грыпу. Раю зрабіць прышчэпку студэнтам і ўсім тым, хто праводзіць шмат часу ў месцах масавага знаходжання людзей. Прышчэпка ратуе ад заражэння пры мімалётным кантакце ў грамадскім транспарце і аб’ектах сферы абслугоўвання.

Аксана АНДАЛЮКЕВІЧ