У рамках акцыі “Павер у сябе!” у Цэнтры сацыяльнага абслугоўвання насельніцтва Дзятлаўскага раёна адбылася прафарыентацыйная сустрэча з наведвальнікамі аддзялення сацыяльнай рэабілітацыі, абілітацыі інвалідаў, падтрымкі актыўнага даўгалецця ва ўмовах дзённага знаходжання і комплекснай падтрымкі ў крызіснай сітуацыі і загадчыцай Інай Жыбко.
Аб магчымасцях раённага рынку працы і лічбавага сэрвіса “Крок у прафесію” расказала намеснік начальніка аддзела па працы і занятасці ўпраўлення па працы, занятасці і сацыяльнай абароне райвыканкама Алена Савань. Спынілася на лічбах і фактах. Так, на 1 ліпеня па садзейнічанне ў занятасці ва ўпраўленне звярнуліся 195 грамадзян, сярод якіх 66 беспрацоўных. У рамках мерапрыемстваў Дзяржаўнай праграмы “Збалансаваны рынак працы” на 2026-2030 гады садзейнічанне ў працаўладкаванні на створаныя працоўныя месцы і вакансіі аказана 173 чалавекам, у тым ліку 45 беспрацоўным.
Увагу прысутных спецыяліст акцэнтавала на тым, што для аказання падтрымкі людзям, якія маюць асаблівую патрэбу ў сацыяльнай абароне і не здольны канкурыраваць на рынку працы (інваліды, моладзь да 21 года, якая шукае работу ўпершыню, вызваленыя з месцаў пазбаўлення волі), згодна з рашэннем райвыканкама на 2026 год устаноўлена броня для прыёму 428 катэгарыраваных работнікаў. Пры гэтым узровень зарэгістраванага беспрацоўя ў раёне на 1 ліпеня складаў 0,2 % ад эканамічна актыўнага насельніцтва, а колькасць працуючых – 9480 чалавек, у арганізацыях адзначаліся 462 вакансіі, у тым ліку 270 – па рабочых прафесіях. Запатрабаванымі на Дзятлаўшчыне застаюцца спецыялісты аховы здароўя (дактары, медсёстры, фельчары), бухгалтары, майстры лесу, сярод рабочых спецыяльнасцяў асаблівая патрэба адчуваецца ў работніках сельскай гаспадаркі (трактарыстах, жывёлаводах), патрэбны электраманцёры, прадаўцы, кантралёры-касіры, вадзіцелі, а з поўным спісам вакансій па раёне і рэспубліцы можна азнаёміцца ў Агульнарэспубліканскім банку вакансій на партале Дзяржаўнай службы занятасці gsz.gov.by, тут жа можна прайсці прафарыентацыйнае тэсціраванне “Крок у прафесію”.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
