З 31 студзеня ўступілі ў сілу змяненні і дапаўненні ў Кодэкс аб адміністрацыйных правапарушэннях, якія датычацца адказнасці аўтааматараў за некаторыя парушэнні. Цяпер за паўторнае на працягу года ваджэнне аўтамабіля без права кіравання ім прадугледжаны адміністрацыйны арышт – да 15 сутак. Падобныя справы будуць разглядаць суды.
Яшчэ адно новаўвядзенне датычыцца афармлення дарожна-транспартнага здарэння: калі ёсць толькі механічныя пашкоджанні транспартных сродкаў або пашкоджанні маёмасці, вадзіцель будзе адказваць за парушэнне канкрэтных пунктаў Правілаў дарожнага руху, якія сталі прычынай аварыі. Дарэчы, пры складанні ўдзельнікамі дарожна-транспартнага здарэння “еўрапратаколаў” яны не будуць прыцягвацца да адміністрацыйнай адказнасці. Таксама адменена працэдура адабрання талона да вадзіцельскага пасведчання пры накладанні штрафу.
Акрамя гэтага, аўтамабілістаў не будуць штрафаваць за забытыя дакументы. Раней штраф складаў ад 0,1 да 2 базавых велічыняў, а цяпер вадзіцеля могуць пакараць па артыкуле “Іншыя парушэнні”. А гэта папярэджанне або штраф у памеры да 0,5 базавай велічыні.
Павялічыліся тэрміны ўплаты штрафаў: калі іх выдаюць супрацоўнікі ДАІ на месцы, можна заплаціць у тэрмін ад пяці дзён да месяца. Няўплата або пропуск тэрмінаў спагнання прывядуць да аўтаматычнага павелічэння сумы на 2 базавыя велічыні.
Святлана ГРЫШЫНА
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga