Раённыя арганізацыі Таварыства Чырвонага Крыжа і савета ветэранаў наведалі дом сямейнага тыпу Шэлегаў, каб падарыць будучым першакласнікам школьны настрой.
Тры хлопчыкі з сям’і Шэлегаў сёлета ідуць у першы клас, для іх гэта значная і хвалюючая падзея.
Старшыня раённай арганізацыі Таварыства Чырвонага Крыжа Галіна Касцюк разам з валанцёрамі ўручылі дзецям наборы для першакласнікаў, а ў дадатак падарылі медалі “Першы раз у першы клас” і каляровыя расклады ўрокаў.
Старшыня раённага савета ветэранаў Леанід Кашко і сакратар савета ветэранаў Ядзвіга Гушча таксама перадалі хлопчыкам неабходныя канцылярскія прадметы, пажадалі будучым школьнікам добра вучыцца і не баяцца цяжкасцяў.
Юлія БАКУНОВІЧ
