Газета “Перамога” правяла з прызамі і цукеркамі чарговы Дзень падпісчыка ў аддзяленні сувязі “Дзятлава-1”. Тыя, хто не паспеў яшчэ выпісаць газеты, мелі магчымасць гэта зрабіць у фае аддзялення. А ўсе, хто выпісаў “раёнку” на наступныя 3 або 6 месяцаў 2016 года, змаглі пазмагацца за 35 памятных падарункаў ад рэдакцыі і тры суперпрызы.
Розыгрыш прызоў прайшоў сёння а 12-й і сабраў каля пяці дзясяткаў удзельнікаў. Уладальнікаў прызоў ад “Перамогі” вызначыў шчаслівы выпадак. Аднак самы важны падарунак, які дастанецца кожнаму з нашых падпісчыкаў, — рэгулярныя сустрэчы з вашай любімай газетай “Перамогай”. У наступным паўгоддзі нашы карэспандэнты працягнуць радаваць вас, шаноўныя чытачы, навінамі жыцця Дзятлаўшчыны. Заставайцеся з намі!
Тэкст і фота Н. Авярчук
