Весела, цікава, з пажаданнямі і падарункамі для выхаванцаў прытулка сацыяльна-педагагічнага цэнтра горада Дзятлава прайшоў Міжнародны дзень абароны дзяцей. Па-святочнаму прыбраная пляцоўка пад адкрытым небам хутка запаўнялася гасцямі. На свята завіталі прадстаўнікі ААТ “ААБ Беларусбанк”, аддзела адукацыі, спорту і турызму райвыканкама, раённых арганізацый грамадскіх аб’яднанняў “Беларускі саюз жанчын”, “БРСМ”, раённага савета ветэранаў, раённага аддзялення рэспубліканскага грамадскага аб’яднання “Беларускі дзіцячы фонд”.
Музычныя віншаванні для ўдзельнікаў сустрэчы падрыхтавалі навучэнцы гімназіі №1 горада Дзятлава з педагогам Святланай Андрунінай.
Пасля некалькіх песень і дынамічнага танца дзяцей на старт паклікала вясёлая эстафета. Да выхаванцаў прытулка далучыліся іх равеснікі-валанцёры.
Юныя спартсмены падзяліліся на дзве каманды – “Лідары” і “Аптымісты”. Пераборваючы смех, дзеці выконвалі заданні эстафеты. Давялося пабегаць у валёнках і шубах, насіць шклянкі з вадой на тэнісных ракетках, збіраць рукзакі для пахода і нават надзяваць процівагазы. У час спаборніцтваў хутчэй прыходзіць на фініш атрымлівалася ў каманды “Лідары”, якая і стала пераможцай. Аднак зарад бадзёрасці і добры настрой атрымалі ўсе спартсмены.
Не менш прыемным момантам свята стала ўручэнне выхаванцам прытулка падарункаў ад гасцей свята.
Ірына КАЎКЕЛЬ
Стоит почитать:
Прафсаюзы і Чырвоны Крыж – дзецям
1 Комментарий
Молодцы! Отличный праздник.