У нашай рэспубліцы па-ранейшаму застаеца актуальнай праблема незаконнага выкарыстання наркасыравіны расліннага паходжання для вырабу розных відаў наркотыкаў.
Таму штогод у Беларусі рэалізоўваецца комплекс мерапрыемстваў, скіраваных на спыненне развіцця наркасыравіннай базы, а таксама на выяўленне і знішчэнне пасеваў наркаўтрымліваючых культур. Спецыяльная праграма “Мак” і сёлета з 1 чэрвеня па 15 верасня рэалізоўвалася ў нашай краіне, і на Дзятлаўшчыне ў прыватнасці.
Праваахоўнікі нашага раёна шмат увагі надавалі выяўленню і знішчэнню незаконных пасеваў наркаўтрымліваючых раслін – маку і канопляў, правядзенню прафілактычных мерапрыемстваў і тлумачальнай работы сярод насельніцтва. У прыватнасці, жыхарам Дзятлаўшчыны нагадвалі, што вырошчваць мак і каноплі на прысядзібных участках ці ў іншых месцах заканадаўствам Рэспублікі Беларусь забаронена.
За пасеў або вырошчванне без мэты збыту забароненых да апрацоўкі раслінаў і грыбоў з утрыманнем наркатычных сродкаў або псіхатропных рэчываў правапарушальнікам пагражае адміністрацыйная адказнасць, прадугледжаная артыкулам 16.1 КоАП Рэспублікі Беларусь. Санкцыя артыкула прадугледжвае пакаранне ў выглядзе штрафу да 20 базавых велічыняў.
Тым не менш, за час рэалізацыі спецыяльнай прафілактычнай праграмы “Мак” супрацоўнікі аддзела ўнутраных спраў Дзятлаўскага райвыканкама выявілі шэраг парушэнняў. На жыхароў раёна складзены 11 адміністрацыйных пратаколаў. Агульная вага знішчанай наркатычнай сыравіны расліннага паходжання склала 1 тону 191 кілаграм 425 грамаў.
Супрацоўнікі міліцыі і надалей пераканаўча просяць грамадзян, калі стане што-небудзь вядома пра асобаў, якія займаюцца вырошчваннем і (або) збытам наркаўтрымліваючых культур, іншых відаў наркатычных сродкаў і псіхатропных рэчываў, або пра асобаў, якія іх захоўваюць ці набываюць, не заставацца абыякавымі і звяртацца ў дзяжурную часць аддзела ўнутраных спраў па тэлефоне 102. Таксама можна тэлефанаваць у аператыўнае падраздзяленне групы наркакантролю і супрацьдзеяння гандлю людзьмі па тэлефоне 2-15-34. Ананімнасць гарантуецца.
Уладзімір СВЯТОХА,
першы намеснік начальніка АУС Дзятлаўскага райвыканкама
Пасля ўрачыстага адкрыцця фестывалю сямейнага адпачынку “Зецельскі фэст” старшыня райвыканкама Андрэй Садоўскі запрасіў гасцей раёна…
Шматлюдна, весела, актыўна на пляцоўцы “Турыстычная”. Як заўсёды, там сабраліся любіцелі паходаў, начовак у палатцы,…
Дзясяты адкрыты фестываль сямейнага адпачынку “Зецельскі фэст” запрасіў сёння на спартыўную пляцоўку тых, хто сябруе…
На “Зецельскім фэсце” працавалі адразу некалькі інтэрактыўных пляцовак на любы густ. Сапраўднай сенсацыяй фестывалю стаў…
30 мая ў рамках дзясятага фестывалю сямейнага адпачынку “Зецельскі фэст” горад Дзятлава ператварыўся ў сапраўдную…
Урачыста, прыгожа, з цудоўным настроем пачалося свята сямейнага адпачынку "Зецельскі фэст" ў Дзятлаве. Пад гукі…