Прайшла чарговая гульня дзятлаўскай каманды “Граніт-Агра” на адкрытым чэмпіянаце горада Ліды па міні-футболе.
На гэты раз нашым сапернікам стала каманда “Чэмпіён” (горад Маладзечна). Хоць матч і быў напружаным, у цяжкую хвіліну дзятлаўчане не страцілі самавалодання і давялі пачатае да пераможнага канца.
Дзякуючы ўпэўненай гульні ў нападзе і абароне, аператыўным пераходам у контратакі, ужо на другой хвіліне першага тайма капітан нашай каманды Уладзімір Ганчар адкрыў лік. Пазней спачатку на два, а потым і на тры мячы павялічылі перавагу “Граніт-Агра” Аляксандр Шышня і Дзяніс Трафімчык. Да перапынку саперніку ўсё ж такі ўдалося забіць адзін гол і скараціць адставанне – 3 : 1.
У другой палове матча “Чэмпіён” зраўняў лік. Але дзятлаўскі галкіпер Мікалай Рагачоў запісаў у свой актыў галявую перадачу, забіў мяч з далёкай адлегласці і тым самым, зноў вывеў каманду наперад – 5 : 3. Да фінальнага свістка матч праходзіў на роўных. Каманды абмяняліся яшчэ дзвюма выніковымі атакамі. Гульня скончылася з лікам 7 : 5 на карысць “Граніт-Агра”. Дублем адзначыўся Дзяніс Трафімчык.
Перамога над “Чэмпіёнам” дазволіла дзятлаўчанам перамясціцца з чацвёртага месца ў групе на адну прыступку вышэй і замкнуць тройку лідараў чэмпіянату.
Вадзім ФІЛІПОЎСКІ
Фота з https://vk.com/lida_champ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…