У час школьных канікулаўу Дзятлаўскай раённай бібліятэцы для наведвальнікаў выхаваўча-аздараўленчага лагера “Усмешка”сярэдняй школы №3 г. Дзятлава імя І. Ю. Філідовіча ладзілася гульня-падарожжа з тэатральнай пастаноўкай “Па дарогах казак”. Дзеці адправіліся ў чароўны свет літаратурных і казачных герояў.
Каб атрымаць казачны сюрпрыз, патрэбна было прайсці ўсе выпрабаванні, якія іх чакалі на станцыях: “Пушкинскае лукамор’е”, “Хатка Бабы Ягі”, “Казачныя дэтэктывы”.
І калі ўсе выпрабаванні былі пройдзены, казачная дарога прывяла да фіналу – дзяцей чакаў цудоўны сюрпрыз: лялечны спектакль “Як вожык шчасце шукаў”. Гэта стала ўзнагародай за актыўнасць, дапытлівасць і добры настрой. Дзеці з захапленнем назіралі за прыгодамі вожыка, які знайшоў шчасце ў сяброўстве, дабрыні і цеплыні. Спектакль стаў сапраўдным святам душы для кожнага маленькага ўдзельніка.
Алена ЯКАЎЧЫК,
бібліятэкар аддзела маркетынгу, сацыякультурнай дзейнасці, метадычнай работы і фарміравання бібліятэчнага фонду
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
