Нядаўна аўтапарк аддзела ўнутраных спраў райвыканкама папоўніўся трыма аўтамабілямі.
Новая “Лада” была набыта для міліцыі раёна за сродкі ТАА “Ізакам”: прадпрыемства адгукнулася на хадайніцтва і аказала дапамогу праваахоўным органам для выканання службовых задач. Другі аўтамабіль УАЗ быў перададзены аддзелу ад УУС Гродзенскага аблвыканкама. Разам з праваахоўнікамі вобласці да 100-годдзя з дня ўтварэння падраздзяленняў участковых інспектараў міліцыі АУС Беларусі дзятлаўчане атрымалі новую “Geely Emgrand”.
Ключы ад службовых аўтамабіляў участковым інспектарам міліцыі Віктару Лазуту і Аляксандру Скварчынскаму ўручылі на ўрачыстым сходзе калектыва аддзела.
Аляксандр Іванавіч выказаў словы ўдзячнасці прадпрыемству за новы аўтамабіль:
– У паўсядзённай рабоце ўчастковых без транспарту нікуды: трэба быць мабільным, каб хутка прыбываць на месца і вырашаць тэрміновыя задачы. З новай надзейнай машынай рабіць гэта будзе зручней і камфортней. Дзякуй ТАА “Ізакам” за разуменне спецыфікі нашай службы і аказаную фінансавую падтрымку.
Віктар Лазута лічыць, што атрыманыя машыны стануць для ўчастковых добрым падспор’ем:
– Па сваёй службе мы не сядзім на месцы, выязджаем на паведамленні і прафілактычныя мерапрыемствы па ўсім сельсавеце. Не заўсёды дарога асфальтаваная, недзе перасечаная мясцовасць, таму асабліва ў зімовы час аўтамабіль з павышанай праходнасцю вельмі патрэбны. У сферу маёй адказнасці ўваходзіць 33 населеныя пункты, а гэта каля 3,2 тысячы насельніцтва. Самае прыемнае ў рабоце – усведамляць, што ты дапамагаеш людзям, чуць словы ўдзячнасці ад землякоў.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Дзясяты адкрыты фестываль сямейнага адпачынку “Зецельскі фэст” запрасіў сёння на спартыўную пляцоўку тых, хто сябруе…
На “Зецельскім фэсце” працавалі адразу некалькі інтэрактыўных пляцовак на любы густ. Сапраўднай сенсацыяй фестывалю стаў…
30 мая ў рамках дзясятага фестывалю сямейнага адпачынку “Зецельскі фэст” горад Дзятлава ператварыўся ў сапраўдную…
Урачыста, прыгожа, з цудоўным настроем пачалося свята сямейнага адпачынку "Зецельскі фэст" ў Дзятлаве. Пад гукі…
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…