Незаконны перавоз тытунёвых вырабаў

Судом Слонімскага раёна разгледжаны пратакол аб адміністрацыйным правапарушэнні па ч. 1 арт. 12.27 КоАП Рэспублікі Беларусь.

(“Незаконныя перамяшчэнне, захоўванне тытунёвых вырабаў і алкагольных напояў, вытворчасць, перапрацоўка, захаванне, перамяшчэнне нехарчовай спіртаўтрымліваючай прадукцыі, этылавага спірту, тытунёвай сыравіны, рэалізацыя гэтай прадукцыi, спiрту, сыравіны і алкагольных напояў”) у дачыненні да жыхара Рэспублікі Польшча, які, з’яўляючыся вадзіцелем вялікагрузнага аўтамабіля “Вольва”, што выконвае міжнародны рэйс, быў затрыманы работнікамі АДАІ ў прыгарадзе горада Слоніма пры перавозцы партыі цыгарэт беларускай вытворчасці агульнай колькасцю 20000 цыгарэт. На іх адсутнічалі абавязковыя пры перамяшчэнні дакументы, якія сведчаць аб легальнасці іх паходжання і набыцця.

АБЭП і фінансавая міліцыя арыштавалі партыю цыгарэт, быў складзены пратакол аб адміністрацыйным правапарушэнні па ч. 1 арт. 12.27 КоАП Рэспублікі Беларусь. Рашэннем суда ўказаны грамадзянін атрымаў штраф у суме 245 рублёў з канфіскацыяй 19000 цыгарэт без дакументаў і вяртаннем 1000 цыгарэт, перамяшчэнне якіх дазволена без іх наяўнасці.

Сяргей ТУПТАЛА,
начальнік Слонімскага МА УДФР КДК Рэспублікі Беларусь па Гродзенскай вобласці