Навіны бібліятэкі. “Рыцар слова”

Жукоўшчынская сельская бібліятэка працягвае знаёміць сваіх карыстальнікаў з творчасцю паэтаў і пісьменнікаў-юбіляраў 2020 года.

26 лістапада наша краіна адзначыць 90-годдзе з дня нараджэння класіка беларускай літаратуры Уладзіміра Караткевіча.

Бібліятэка запрашае сваіх чытачоў пазнаёміцца з выставай “Рыцар слова”, на якой прадстаўлены празаічныя творы, кнігі паэзіі, рукапісныя старонкі і творы, прысвечаныя Уладзіміру Караткевічу. Выстава дапоўнена фотаздымкамі пісьменніка.

Таксама бібліятэка запрашае ўсіх жадаючых далучыцца да абласной анлайн-акцыі “Чытаем разам творы Уладзіміра Караткевіча”.

Каб прыняць удзел, неабходна:

прачытаць на відэа любімы верш або ўрывак з твора У. Караткевіча (не больш за 2 хвіліны);

даслаць відэаролік да 21 лістапада на электронную пошту zhuksb@tut.by;

паведаміць назву твора, прозвішча, імя чытальніка і яго месца жыхарства.

Электронны рэсурс будзе прадстаўлены на сайце раённай бібліятэкі http://www.libdyatlovo.grodno.by/ у дзень нараджэння пісьменніка.

Людміла ЦЮЛЕНІНА,
бібліятэкар Жукоўшчынскай сельскай бібліятэкі