Дзіцячы смех, радасныя ўсмешкі дарослых людзей, спартыўны напал барацьбы і нястрыманая весялосць — такім запомніцца жыхарам аграгарадка Круцілавічы спартыўнае свята, якое прайшло 24 лютага і было прымеркавана да Дня абаронцаў Айчыны і 100-годдзю Узброеных Сіл Рэспублікі Беларусь падрыхтаванае аддзелам культуры і дасуга “Данілавіцкі Дом культуры” сумесна з адміністрацыя ААТ “Граніт-Агра”.
Распачала свята старшыня Данілавіцкага сельвыканкама Ганна Жых, якая павіншавала ўсіх са святам і пажадала міру, дабрабыту, любові, сямейнага цяпла і запрасіла на спартыўныя спаборніцтвы.
У спаборніцтвах паміж працоўнымі калектывамі ААТ “Граніт – Агра” прынялі ўдзел: каманда будаўнікоў, каманда адміністрацыі, каманда вадзіцеляў і каманда механізатараў аддзялення №1. Праграма спаборніцтваў была даволі насычанай. Камандам былі прапанаваны займальныя, часам вельмі няпростыя конкурсы: эстафета “катанне на коле”, бой падушкамі, распілоўка бервяна, кіданне венікаў, снайпер, гіра, хакей (замест клюшак мятла). Усе этапы гэтага займальнага спаборніцтва праходзілі ў напружанай барацьбе. Гледачы сачылі за ходам падзей і вельмі перажывалі.
Падлічыўшы ўсе ачкі, суддзі агучылі вынікі. Першае месца заняла каманда будаўнікоў, другой стала каманда адміністрацыі, а на трэцяй пазіцыі – каманда механізатараў аддзялення №1.
Удзел у свяце прынялі навучэнцы Круцілавіцкага дзіцячага сада-сярэдняй школы, яны са снега рабілі казачныя фігуры. Дзеці з задавальненнем каталіся на кані. На свяце ўсе жадаючыя маглі пачаставацца салдацкай кашай і гарачым чаем. Падарункам для усіх прысутных стаў канцэрт падрыхтаваны артыстамі Воранаўскага раёна.
Стоит почитать:
“Здаровы лад жыцця” ў Раклевічах
