Кормаўборачная кампанія, бадай, найважнейшы з гаспадарчых клопатаў усіх гаспадарак раёна.
Цяпер ідзе нарыхтоўка сенажу з траваў першага ўкосу. За 12-14 дзён у гаспадарцы “Граніт-Агра” плануецца нарыхтаваць каля 12 000 тон сянажнай масы. На 26 мая ў сянажную траншэю каля аграгарадка Таркачы закладзена больш за 300 тон шматгадовай бабова-злакавай травы. За 3-4 дні яна будзе цалкам запоўнена. Зялёную масу да сянажнай траншэі ад кормаўборачнага камбайна падвозілі вадзіцелі Аляксандр Нагорны, Аляксандр Бакей, Леанід Бутэнка, Андрэй Гулецкі, Казімір Рысюк, Віктар Драб, Станіслаў Сёмуха, Дзяніс Сёмуха, Віктар Тарас, Віталь Болтач, Валерый Крысанаў, Міхаіл Нагорны.
Людзі ведаюць сваю справу, настроены пазітыўна, таму ўсё атрымаецца, галоўнае, каб у рабоце паспрыяла надвор’e.
Вадзім ФІЛІПОЎСКІ
