На кожную ферму – з падарункамі

Лепшыя работнікі жывёлагадоўлі Дзятлаўшчыны атрымліваюць узнагароды ў межах раённага этапу рэспубліканскай прафсаюзнай акцыі “Наш жывёлавод”.

Гэтым разам у КСУП “Жукоўшчына” завіталі старшыня раённай арганізацыі Беларускага прафсаюза работнікаў аграпрамысловага комплексу Уладзімір Казак і галоўны спецыяліст упраўлення сельскай гаспадаркі і харчавання Таццяна Ярмаш. Разам з кіраўніком прафсаюзнага камітэта Вольгай Аўхім яны наведалі фермы “Погіры”, “Зачэпічы”, “Краглі”.

– Жывёлагадоўля – выніковы этап, фініш сельскагаспадарчага працэсу любога раёна. Працаўнікі вашай сферы пры грунтоўнай падтрымцы раслінаводства забяспечваюць валавы прадукт, які дазваляе эканоміцы раёна паспяхова развівацца, – адзначыў Уладзімір Фёдаравіч. – Дзякуй за сумленную працу і адказнасць! Жадаю вам моцнага здароўя, поспехаў і дастойных заробкаў. Прафсаюзны камітэт і надалей будзе прыкладваць намаганні для стварэння камфортных і бяспечных умоваў працы, адзначаць вашы вытворчыя поспехі ўзнагародамі.

Грашовымі прэміямі ад раённага прафсаюза АПК былі адзначаны жывёлаводы Яраслаў Баран і Ганна Ванькова, аператары машыннага даення Ларыса Сямчонак і Наталля Аўсянік, брыгадзір вытворчай брыгады ў жывёлаводстве Анастасія Агурцова. 

Наталля АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga