Лепшымі на ўборачнай кампаніі-2025 сталі вадзіцелі адразу двух сельгаспрадпрыемстваў раёна – Дзмітрый Маліка з ААТ “Дварэц-Агра” і Міхаіл Нагорны з ААТ “Граніт-Агра”.
Павіншаваў тысячнікаў і ўручыў ім заслужаныя ўзнагароды старшыня райвыканкама Андрэй Садоўскі.
– Дзякуй за высокія вынікі на жніве – самым важным сёння ўчастку работы. На такіх працавітых людзях як вы трымаецца ўся краіна, –адзначыў Андрэй Уладзіміравіч. – Ураджай сёлета вырасцілі дастойны, а таму тысячны рубеж – гэта толькі пачатак, наперадзе яшчэ шмат работы. Жадаю вам новых высокіх дасягненняў, моцнага здароўя і бадзёрасці духу.
Словы ўдзячнасці і віншавання вадзіцелям адрасаваў старшыня раённай прафсаюзнай арганізацыі Беларускага прафсаюза работнікаў аграпрамысловага комплексу Уладзімір Казак, а таксама кіраўнікі прадпрыемстваў – дырэктар ААТ “Дварэц-Агра” Дзмітрый Дожын і дырэктар ААТ “Граніт-Агра” Уладзімір Лашко.
Перадавікі жніва атрымалі дыпломы і грашовыя прэміі ад кіраўніцтва раёна, а таксама кветкі.
Свой букет Міхаіл Іванавіч паспяшыў уручыць любімай жонцы Вользе Валянцінаўне, якая працуе загадчыцай склада “Круцілавічы”, заўжды перажывае за поспехі мужа і дабрабыт прадпрыемства.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#сельское хозяйство #АПК #нашелучшее #нашалепшае
81-ю гадавіну Перамогі савецкага народа ў Вялікай Айчыннай вайне дзятлаўчане сустрэлі Маршам памяці і ўрачыстым…
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…