На розных выбарчых участках на рэспубліканскім рэферэндуме ў нашым раёне фіксуюць добрую актыўнасць выбаршчыкаў.
Людзі прыходзяць галасаваць з пазітыўным настроем, разам з блізкімі і сябрамі. Практычна на кожным участку працуе буфет, дзе можна набыць прысмакі, а таксама выступаюць мабільныя канцэртныя брыгады з ліку мясцовых самадзейных артыстаў.
Акрамя таго, на працягу дня ідзе галасаванне дома па заяўках мясцовых жыхароў.
У час рэспубліканскага рэферэндуму па пытанні ўнясення змяненняў і дапаўненняў у Канстытуцыю Рэспублікі Беларусь у Дзятлаўскім раёне функцыянуе 21 участак для галасавання, 3 з іх – закрытага тыпу.
Наталля АВЯРЧУК
