Для жыхароў аграгарадка Круцілавічы 21 сакавіка сектар пазастацыянарнага абслугоўвання насельніцтва Дзятлаўскага раённага цэнтра культуры і народнай творчасці арганізаваў і правёў сумесна з творчым калектывам Дварэцкага дома культуры канцэртную праграму “Музыка для сэрца і душы”. Яна была прымеркавана да шырокамаштабнага сельскага сходу.
Да пачатку мерапрыемства жыхары сельсавета маглі набыць аўтаномныя пажарныя апавяшчальнікі, вогнетушыцелі і іншую прадукцыю, якую прапаноўвалі прадстаўнікі Дзятлаўскага вытворчага ўчастка Гродзенскага камбіната супраць пажарных работ.
На сходзе выступілі прадстаўнікі раённых арганізацый з пытаннямі бяспекі жыццядзейнасці, папярэджання пажараў і гібелі на іх людзей, стварэння належных умоваў для пражывання непаўналетніх, расказалі аб правілах карыстання газавым абсталяваннем, бяспецы эксплуатацыі электрычнага абсталявання. Вынікі мерапрыемства падвёў старшыня Дзятлаўскага раённага Савета дэпутатаў Аляксандр Бараноўскі.
Завяршыўся сход канцэртнай праграмай. Усмешкамі і апладысментамі сустракалі гледачы артыстаў – Аляксандра і Людмілу Баклушыных, Марыну Варган, Ірыну Бакшук і Ганну Харлінскую, якія рабілі ўсё, каб сагрэць душы гледачоў песняй у гэты вясновы, але яшчэ халодны дзень.
Святлана ГРЫШЫНА
Стоит почитать:
Дзясяты адкрыты фестываль сямейнага адпачынку “Зецельскі фэст” запрасіў сёння на спартыўную пляцоўку тых, хто сябруе…
На “Зецельскім фэсце” працавалі адразу некалькі інтэрактыўных пляцовак на любы густ. Сапраўднай сенсацыяй фестывалю стаў…
30 мая ў рамках дзясятага фестывалю сямейнага адпачынку “Зецельскі фэст” горад Дзятлава ператварыўся ў сапраўдную…
Урачыста, прыгожа, з цудоўным настроем пачалося свята сямейнага адпачынку "Зецельскі фэст" ў Дзятлаве. Пад гукі…
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…