ГрадусПлюс. Міхаіл Ступчык: “Работнікі энергасістэмы не ўдакладняюць па тэлефоне асабістыя даныя”

На Гродзеншчыне выяўлены выпадкі, калі махляры выдавалі сябе за энергетыкаў, спрабуючы падманам атрымаць асабістыя даныя грамадзян.

Пад выглядам замены лічыльніка яны прасілі прадыктаваць па тэлефоне серыю і нумар пашпарта.

Начальнік Дзятлаўскага РЭС Міхаіл Ступчык адзначыў, што ў нашым раёне на сёння такіх сітуацый не зафіксавана, і расказаў, як засцерагчы сябе ад махляроў:

– Паважаныя дзятлаўчане, помніце, што работнікі энергасістэмы па пытанні замены і праверкі электрычных лічыльнікаў у час тэлефоннага званка могуць удакладніць выключна час і дату візіту, зручную для абанента. Ніякіх асабістых даных пры гэтым не ўдакладняецца.

Таксама работнікі абаненцкай службы энергасістэмы не праводзяць ніякіх дадатковых работ, не прапаноўваюць заключыць з імі дагавор на аказанне паслуг на месцы, выканаць дадатковыя платныя паслугі абаненту.

Усе супрацоўнікі РУП “Гроднаэнерга” пры наведванні домаўладанняў спажыўцоў электраэнергіі маюць пры сабе пасведчанне, дзе ўказаны нумар, прозвішча, імя і імя па бацьку работніка, структурнае падраздзяленне, у якім ён працуе (Дзятлаўскі РЭС), пасада і фотаздымак. Пасведчанне абавязкова замацавана пячаццю і падпісана кіраўніком арганізацыі.

Такая ж інфармацыя (акрамя нумара) знаходзіцца на бэйджы работніка. Бэйдж размяшчаецца на вопратцы, каб  яго было лёгка прачытаць. Персанал рамонтных брыгад апрануты ў спецадзенне з лагатыпам РУП “Гроднаэнерга”.

Калі сумняваецеся, пазваніце ў Дзятлаўскі раён электрычных сетак па тэлефонах: 6-79-33, 6-79-70 і ўдакладніце, ці з’яўляецца такі работнік прадстаўніком арганізацыі.

Наталля АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga