Месячнік па добраўпарадкаванні на Дзятлаўшчыне

Паважаныя жыхары горада Дзятлава і Дзятлаўскага раёна!

Ранняя вясна сёлета ўнесла свае карэктывы ў планы санітарнай ачысткі тэрыторый і навядзення парадку на зямлі. Рашэннем Дзятлаўскага райвыканкама № 159 ад 23 сакавіка 2020 года ў раёне з 25 сакавіка па 24 красавіка аб’яўлены месячнік па добраўпарадкаванні населеных пунктаў.

У ходзе правядзення месячніка паўсюдна будуць убіраць смецце, бяліць дрэвы, рамантаваць агароджы або зносіць старыя, выразаць дробную расліннасць. Працоўным калектывам рэкамендавана займацца ўборкай і навядзеннем чысціні на замацаваных за імі тэрыторыях. У раёне неабходна навесці парадак на грамадскіх могілках, воінскіх пахаваннях і мемарыяльных збудаваннях.

Праблемы добраўпарадкавання знаходзяцца ў цэнтры ўвагі многіх службаў раёна.

Шмат зроблена і робіцца ў нас для навядзення парадку на зямлі, выкананы шэраг намечаных мерапрыемстваў, але ёсць яшчэ пытанні, якія патрабуюць разгляду і неадкладнага рашэння. Неабходна навесці парадак як на асобных тэрыторыях, так і на шэрагу сацыяльных і вытворчых аб’ектаў. Кожны гаспадар павінен добраўпарадкаваць свой дом, тэрыторыю каля яго.

Паважаныя землякі, раённы выканаўчы камітэт, раённы Савет дэпутатаў выказвае ўпэўненасць, што кожны з нас праявіць свядомасць, ініцыятыву, неабыякавасць і ўключыцца ў ператварэнне Дзятлаўшчыны ў адзін з самых утульных, прыгожых і добраўпарадкаваных рэгіёнаў Беларусі.

Аргкамітэт

Подписывайтесь на телеграм-канал «Гродно Медиа Group» по короткой ссылке @GrodnoMediaGroup