Летніх кніжак карусель

Казлоўшчынская гарпасялковая бібліятэка запрашае хлопчыкаў і дзяўчынак прыняць удзел у мерапрыемствах, якія будуць праходзіць тут у час летніх канікулаў.

Сёлета бібліятэка прымае ўдзел у раённай прома–акцыі “Разам з кнігай мы расцём” (наведванне дзіцячых садкоў, арганізацыя гучных чытанняў) і “Бібліятэка Open air” (стварэнне летніх пляцовак для чытання). У рамках акцый праводзім конкурс летняга чытання “Летніх кніжак карусель”. Для ўсіх аматараў кніг працуе пашыраная выстава-прапанова “Фарбы дзяцінства”. Юныя чытачы змогуць зрабіць “Вандроўку з божымі кароўкамі” па кнігах сучаснай беларускай пісьменніцы Алены Масла. Да Года малой радзімы распрацавана краязнаўчая віктарына “Маленькі астравок маёй зямлі”.

Свята дзяцінства “Вось яно якое, наша лета!”, якое ладзілася ў бібліятэцы, наведалі дзеці з дзіцячага сада. На працягу лета бібліятэчны дэсант у садку яшчэ правядзе гадзіну чытацкіх задавальненняў “Там, на невядомых дарожках” і гучныя чытанні па творах Барыса Захадэра і Андрэя Усачова. З дзецьмі школьнага лагера “Здаравячок” плануецца арганізаць духоўную гутарку “Еўфрасіння Полацкая”, забаўляльна-пазнавальную гульню “Заалагічныя забегі”, відэа-ўрок “Беларусь, табой ганаруся я па праву”.

Прыемнага адпачынку ўсім дзецям, чакаем іх у нашай бібліятэцы.

Людміла АНТОНЧЫК,
бібліятэкар Казлоўшчынскай гарпасялковай бібліятэкі

Стоит почитать:

Как «фестивалил» Августовский канал. Большой праздник на шлюзе «Домбровка» посетили более 25 000 человек (+2 видео)

Как Гродно встречал фестиваль национальных культур: от подготовки до фейерверка и «Песняров» (+видео)

Более 120 тысяч человек в первый день XII Республиканского фестиваля национальных культур побывали в Гродно