Кругласутачны палатачны профільны ваенна-спартыўны летнік «Патрыёт» размясціўся на падворку Лявонавіцкага дзіцячага сада-базавай школы. Насупраць стадыёна пад высокімі яблынямі расправілі свае крылы палаткі. Над імі раз-пораз чуецца клёкат бусла, бо недалёка знаходзіцца буслянка, але людзі і птушкі ўжо прывыклі да суседства.
Дзевяць дзён (з 6 па 14 чэрвеня) у паходных умовах жывуць выхаванцы “Патрыёта” – 35 юнакоў ва ўзросце 16-17 гадоў з Хвінявіцкага і Вензавецкага дзіцячых садоў-сярэдніх школ, Гезгалаўскай сярэдняй школы, сярэдніх школ №1 і №3, гімназіі №1 горада Дзятлава. Для юных патрыётаў падрыхтавана насычаная і цікавая праграма. Выхавальнікі вучаць дзяцей асновам ваеннай падрыхтоўкі, паказваюць, як правільна абыходзіцца са зброяй і процівагазамі, і, вядома, стараюцца падтрымліваць строгую дысцыпліну. А рэалізаваць сваю маладую энергію выхаванцы могуць на спартыўных пляцоўках.
Атмасфера летніка нагадвае ваенныя зборы, а створаны ён менавіта для таго, каб маладыя людзі адчулі сябе курсантамі або салдатамі, бо наперадзе ў кожнага з іх – служба ў войску.
У час змены з выхаванцамі “Патрыёта” сустрэліся начальнік інспекцыі па справах непаўналетніх АУС Дзятлаўскага райвыканкама Віктар Петрукевіч і намеснік старшыні камісіі па справах непаўналетніх райвыканкама Святлана Залучан.
Віктар Віктаравіч правёў з юнакамі прафілактычную гутарку, расказаў аб найбольш частых адміністрацыйных правапарушэннях, уласцівых для падлеткаў, сярод іх: распіццё спіртных напояў або знаходжанне ў стане алкагольнага ап’янення ў грамадскіх месцах, хуліганствы. Нагадаў аб мерах адказнасці за падобныя паводзіны. Патлумачыў, як правільна рэагаваць на заўвагі і законныя патрабаванні работнікаў міліцыі.
Таксама Віктар Петрукевіч заклікаў маладых людзей паступаць ва ўстановы адукацыі Міністэрства ўнутраных спраў, расказаў пра перавагі міліцэйскай прафесіі.
Самым цікавым момантам сустрэчы для юнакоў стала знаёмства з экіпіроўкай міліцыянераў. Начальнік іспекцыі па справах непаўналетніх прадэманстраваў падлеткам спецсродкі, якія мае на ўзбраенні беларуская міліцыя: каску, шчыт, гумавую дубінку, бронежылет. Навучэнцы мелі магчымасць разгледзець і патрымаць у руках сапраўдны, а не вучэбны, аўтамат Калашнікава, прымерыць амуніцыю.
Ірына СТЫРНІК
Стоит почитать:
Дзяцінства павінна быць шчаслівым
“Летняя акварэлька”. Вынікі дня
В целях повышения безопасности дорожного движения, предотвращения и снижения тяжести последствий ДТП с участием автомобилей…
Дзятлаўшчына – гэта ўнікальны куток Беларусі, дзе на стыку эпох, культур і канфесій кавалася непаўторная…
Член Савета Рэспублікі Нацыянальнага сходу Рэспублікі Беларусь Павел Ашурык прыняў удзел у пасяджэнні рабочай групы…
На Дзятлаўшчыне поўным ходам ідзе ўборка “другога хлеба”. Традыцыйна яго вырошчваюць тры гаспадаркі раёна – …
Аб замацаванні моладзі на першым працоўным месцы, уборцы кукурузы, прафілактыцы пажараў, рэалізацыі новых будаўнічых праектаў…
Захапляльная квэст-гульня пад такой назвай прайшла ў рамках Адзінага дня бяспекі ў прытулку сацыяльна-педагагічнага цэнтра…
View Comments
Девять дней и ночей в палатках -- это закаливает.