Кірмаш вакансій дапаможа працаўладкавацца

Сёлета ў Дзятлаўскім раёне, як і ў 2017 годзе, упраўленнем па працы, занятасці і сацыяльнай абароне Дзятлаўскага райвыканкама будзе прадоўжана практыка правядзення кірмашоў вакансій і акцый па садзейнічанні ў працаўладкаванні беспрацоўных грамадзян.

У 2017 годзе на Дзятлаўшчыне былі праведзены 19 кірмашоў вакансій, у якіх прынялі ўдзел 9 наймальнікаў раёна і 189 непрацуючых грамадзян. Кірмашы вакансій прайшлі ў горадзе Дзятлаве, Жукоўшчынскім, Казлоўшчынскім, Наваельнянскім, Дзятлаўскім, Дварэцкім сельскіх саветах. У час гэтых мерапрыемстваў 175 непрацуючым грамадзянам было прапанавана працаўладкаванне на пастаянную ці часовую работу.

З пачатку 2018 года на тэрыторыі раёна праведзены 3 кірмашы вакансій. Так, у кірмашы на тэрыторыі Казлоўшчынскага сельскага савета, прынялі ўдзел 10 непрацуючых грамадзян, васьмі з іх былі прапанаваны работа ці навучанне па запатрабаваных на рынку працы прафесіях з гарантыяй далейшага працаўладкавання. У кірмашы вакансій, які быў праведзены на тэрыторыі Вензавецкага сельскага савета прынялі ўдзел 9 чалавек, якія мелі патрэбу ў працаўладкаванні, васьмі грамадзянам прапанавана пастаянная або часовая работа на тэрыторыі раёна.

Для аказання дапамогі ў працаўладкаванні непрацуючым жыхарам раёна плануецца правесці кірмашы вакансій ва ўсіх сельскіх саветах.

Алена САВАНЬ,
намеснік начальніка аддзела па працы і занятасці ўпраўлення па працы, занятасці і сацыяльнай абароне райвыканкама

Стоит почитать:

На заседании сессии областного Совета депутатов рассмотрены итоги социально-экономического развития области в прошлом году. Среди награжденных зампред Дятловского райисполкома Игорь Кухаревич

Медсестры и водители наиболее востребованы на рынке труда в Гродненской области