25 снежня ў касцёле Унебаўзяцця Найсвяцейшай Панны Марыі прыхаджане сабраліся на святочную Імшу.
Ксёндз-пробашч Здзіслаў Пікула павітаў усіх прысутных і павіншаваў з вялікай падзеяй:
– Гэта радасны дзень, свята веры, дабра, любові і надзеі. Сардэчна віншую ўсіх са святам Божага Нараджэння. Няхай Божы Сын, які нараджаецца ў нашых сэрцах, узмацняе і нясе радасць усім людзям добрай волі.
Незвычайнае тэатралізаванае віншаванне падрыхтавалі юныя дзятлаўчане: у сваім выступленні яны аб’ядналі мінулае і сучаснасць, нагадалі, што дабрыня, любоў, дапамога бліжняму і шчырая вера ў Бога маюць месца і ў жыцці кожнага чалавека, а вялікае свята Нараджэння Хрыстова ва ўсе часы аб’ядноўвае людзей.
Адзін з прыхаджан зачытаў віншаванне на свята Божага Нараджэння і Новы год ад імя біскупа Гродзенскага Аляксандра Кашкевіча.
Здзіслаў Пікула падзякаваў усім, хто маліўся і здзейсніў хрэсны ход у час начнога набажэнства, выказаў словы ўдзячнасці сястры Караліне і Ліліі Болбат, разам з якімі дзеці падрыхтавалі святочную пастаноўку, уручыў іконы членам парафіяльнага камітэта, падарыў дзецям калядныя сувеніры.
Наталля АВЯРЧУК
Фота, відэа Вольгі ЮШКЕВІЧ, Наталлі АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga