Нездарма кажуць у народзе: “Восень – работ восем”. Адна з іх, не менш важная, падрыхтаваць свой горад ці вёску да зімы – прыбраць апалае лісце, галлё і смецце.
Згодна з рашэннем райвыканкама месячнік па добраўпарадкаванні праходзіць на Дзятлаўшчыне з 8 кастрычніка па 6 лістапада. Кіпіць сёння работа ў парку райцэнтра. На чарговы працоўны дэсант выйшлі супрацоўнікі райвыканкама. Фронт работ унушальны. Але спрыяе дружнай працы добрае асенняе надвор’е, пазітыўны настрой, жаданне зрабіць свой горад чыстым, прыгожым і ўтульным.
Удзельнікі суботніка падзяліліся сваімі меркаваннямі.
Алена Грамко, начальнік аддзела жыллёва-камунальнай гаспадаркі, архітэктуры і будаўніцтва:
– Суботнік – добрая традыцыя, якая аб’ядноўвае людзей, выхоўвае адказнасць. Папрацавалі на славу, падыхалі свежым паветрам і зрабілі карысную справу: навялі парадак і даказалі, што разам нам любыя кучы лістоты па плячы. Дзякуй усім за камандны дух і бадзёры настрой!
Андрэй Нікіпорчык, начальнік аддзела эканомікі:
– Працоўны дэсант прадаўжаецца, настрой цудоўны. Такая сумесная праца – гэта выдатны спосаб праявіць жаданне жыць у прыгожым чыстым горадзе, папрацаваць на адкрытым паветры ў цудоўны восеньскі дзень. Прыемна бачыць вынік сваёй працы, як прыгажэе і квітнее родны горад, бо парадак патрэбен як у чалавеку, так і вакол яго.
Таццяна САНЮК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
