Каб дзяцінства было шчаслівым

Бацькоўскі клопат, удзел у лёсе дзяцей, якія апынуліся ў складанай сітуацыі, дзяцей з няпоўных і шматдзетных сем’яў бярэ на сябе Беларускі дзіцячы фонд, закліканы аказваць матэрыяльную падтрымку, дапамогу ў лячэнні, аздараўленні, навучанні, творчым развіцці.

Напярэдадні Міжнароднага дня абароны дзяцей у час свята апошняга званка стыпендыя Гродзенскага абласнога аддзялення Рэспубліканскага грамадскага аб’яднання “Беларускі дзіцячы фонд” была ўручана навучэнцы 9 класа Казлоўшчынскай сярэдняй школы Вікторыі Барук.

Вікторыя з году ў год паказвае высокія вынікі ў вучобе, творчасці і спорце, з’яўляецца членам ваенна-патрыятычнага клуба “Мужнасць”, займае ганаровыя месцы ў раённым этапе конкурсу “Юныя інспектары дарожнага руху”, абласным этапе конкурсу “Арляня”, у абласных спаборніцтвах па лёгкай атлетыцы. Яна актыўная ўдзельніца агульнашкольных і раённых мерапрыемстваў ГА “БРСМ”, з’яўляецца яго лідарам.

У сям’і Барук, у якой выхоўваюцца чацвёра дзяцей, пануе ўзаемапавага і даверлівыя адносіны, спачуванне і суперажыванне, падтрымка і пачуццё адказнасці, абавязку. Бацькі вучаць дзяцей пераадольваць цяжкасці, аказваць адзін аднаму падтрымку, радавацца жыццю.

Галіна ХІЛІМОНЧЫК,

намеснік дырэктара па выхаваўчай рабоце Казлоўшчынскай сярэдняй школы

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga