Да юбілея горада і Дня Незалежнасці. Як мы рыхтуемся да святаў?

Адказвае намеснік дырэктара Дзятлаўскага філіяла Гродзенскага аблспажыўтаварыства Валянціна Баравік:

– У дні святаў будзе пашыраны вынасны гандаль. Плануем арганізаваць выставу-продаж хлебабулачных вырабаў з афармленнем стэндаў, на якіх будуць экспанавацца заваяваныя раней узнагароды.

У кафэ “Лепім самі”, што на плошчы 17 Верасня, у святочныя дні наведвальнікам будзе прапанавана пашыранае меню з разнастайнымі відамі піцаў, пельменяў, кактэйляў.

 

Каля пляцовак, дзе будуць ладзіцца святочныя мерапрыемствы, будуць функцыянаваць гандлёвыя кропкі з шырокім асартыментам кандытарскіх і кулінарных вырабаў, шашлыкоў, іншай прадукцыі.

Для аматараў салодкага і дэсертаў, а таксама для сем’яў з дзецьмі абяцаем разнастаіць асартымент марожанага на вагу ў кафэ “Лета” і “Лепім самі”. Спадзяёмся, маленькія наведвальнікі свята гэта ацэняць.

Наогул, жыхары і госці горада могуць не хвалявацца: Дзятлаўскі філіял Гродзенскага аблспажыўтаварыства арганізуе абслугоўванне кліентаў на высокім узроўні.

Падрыхтавала да друку Ірына КАЎКЕЛЬ     

Читайте также:

Як мы рыхтуемся да святаў?

Наш главный праздник. Гродненщина готовится отметить День Независимости

Падзяка ў юбілей

Цікавая сустрэча ў летніку “Эрудыт”