У рамках правядзення Адзінага дня інфармавання ў Дзятлаве адбылася яшчэ адна прыемная падзея – уручэнне партыйных білетаў новым членам раённага аддзялення Беларускай партыі “Белая Русь”. Яго кіраўнік, старшыня раённага Савета дэпутатаў Аляксандр Бараноўскі, павіншаваў са статусам партыйцаў работнікаў дзіцячага сада № 1, сацыяльна-педагагічнага цэнтра горада Дзятлава і раённага цэнтра карэкцыйна-развіваючага навучання і рэабілітацыі.
– Гэта партыя стаіць на абароне суверэнітэта краіны, правоў і законных інтарэсаў працуючых, падтрымлівае палітыку нашага Прэзідэнта і курс дзяржавы, яна за мір, стабільнасць, дабрабыт, устойлівае развіццё Рэспублікі Беларусь, – падкрэсліў Аляксандр Станіслававіч. – Партыя ва ўсіх пытаннях пазітыўная, таму заклікаю далучацца да нас, а новых партыйцаў віншую з прыняццем правільнага рашэння. Сямейнага дабрабыту вам, моцнага здароўя, міру на нашай цудоўнай зямлі.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
