З 1 снежня 2016 года па 16 студзеня 2017 года Дзятлаўская раённая арганізацыя Чырвонага Крыжа праводзіць акцыю «Ёлка жаданняў».
Акцыя праходзіць у гандлёвым цэнтры «Родны кут». Пакупнікі магазіна, якія жадаюць паўдзельнічаць у акцыі, могуць набыць салодкія пачастункі і пакласці іх у карзіну пад навагоднюю «Ёлку жаданняў». Падарункі будуць перададзены дзецям з сацыяльна ненадзейных сем’яў, адзінокім пажылым жыхарам Дзятлаўшчыны.
Дзятлаўская арганізацыя Чырвонага Крыжа разам з Цэнтрам сацыяльнага абслугоўвання насельніцтва Дзятлаўскага раёна таксама прымае ўдзел у акцыі «Дары дабро — стань Дзедам Марозам», якая праходзіць на другім паверсе гандлёвага цэнтра «Родны кут». Каля навагодняй ёлкі знаходзяцца дэкаратыўныя вырабы. Пакупнікі цэнтра могуць выбраць любую рэч, якая ім спадабаецца, а замест яе пакласці рэч, якую яны набылі ў магазіне.
У час акцыі адбываецца вась такі навагодні ўзаемаабмен.
А. ДУБРОЎСКАЯ
Фота П. АДАМЧУКА
