Па стане на 1 студзеня 2017 года агульная колькасць жылых дамоў у сельскай мясцовасці Гродзенскай вобласці склала 154911 агульнай плошчай 10871,6 тысячы кв. м, з іх незаселеных — 29447 агульнай плошчай 1588,1 тысячы кв. м. Плошча жылля, прызнанага старым, склала 8558 кв. м, аварыйным — 2956 кв. м.
Не ў поўным аб’ёме арганізавана работа па ўстанаўленні дакладнай колькасці пустуючых і старых дамоў у сельскай мясцовасці Гродзенскай вобласці.
Паводле прадастаўленай райвыканкамамі інфармацыі, усяго ў 2017 годзе ў рэгістры ўліку пустуючага жылля ўключаны 372 жылыя дамы, па 4182 незаселеных дамах няма апавяшчэнняў аб намеры выкарыстоўваць жылы дом для пражывання, прызнана трухлявымі 311 жылых дамоў. Пры гэтым, у рэгістры ўліку пустуючага жылля не ўключаны ні адзін жылы дом, які належыць сельскагаспадарчым арганізацыям.
Як паказалі праведзеныя кантрольна-аналітычныя мерапрыемствы, захаванасць аб’ектаў не забяспечваецца, жылыя дамы руйнуюцца, тэрыторыя захламляецца, зямля выводзіцца з абароту. Большая частка незаселенага жылля даўно не запатрабавана (ад 3 да 15 гадоў). Пры гэтым, сельгасарганізацыі не прымаюць ніякіх мераў па ўключэнні ў гаспадарчы абарот незаселенага жылля, якое знаходзіцца на іх балансе. Ва ўсіх раёнах ёсць пустуючыя, незаселеныя жылыя памяшканні, у тым ліку пабудаваныя з дзяржаўнай падтрымкай.
Акрамя таго, ёсць недахопы ў рабоце па зносе састарэлага жылля ўласнікамі-сельгасарганізацыямі. На іх балансе — 367 адзінак, або 32,6% ад агульнай колькасці незаселенага жылля, якое належыць зносу.
Па інфармацыі Гродзенскага абласнога ўпраўлення Міністэрства па надзвычайных сітуацыях Рэспублікі Беларусь, з пачатку 2017 года зарэгістраваны тры пажары ў пустых дамах.
Пытанне аб рабоце сельскагаспадарчых арганізацый Гродзенскай вобласці па ўключэнні ў гаспадарчы абарот невыкарыстоўваемых жылых памяшканняў, якія знаходзяцца на іх балансе, было разгледжана на калегіі Камітэта дзяржаўнага кантролю Гродзенскай вобласці.
Матэрыялы калегіі накіраваны для прыняцця мераў рэагавання ў Гродзенскі аблвыканкам, райвыканкамы, прапанавана прыняць меры па ўключэнні ў гаспадарчы абарот маёмасці, навядзенні парадку на зямлі.
А. САДАЎНІЧЫ,
першы намеснік старшыні Камітэта дзяржаўнага кантролю Гродзенскай вобласці
В минувшем году в Гродненской области зарегистрировано 11 пожаров из-за детской шалости с огнем. С…
О существовании автономных пожарных извещателей сегодня знает каждый. Необходимость их установки уже давно не вызывает…
Лето заканчивается, а крутые приключения только начинаются! В последнюю неделю августа с 24 по 28…
У Дзятлаўскім раёне ёсць населеныя пункты, якія знаходзяцца ў зонах радыеактыўнага забруджвання. Яны ўваходзяць у…
Усебеларускі народны сход сёлета адзначае сваё 30-годдзе. Георгій Белуш, былы старшыня Войневіцкага сельскага выканаўчага камітэта,…
Насычанасць гандлёвай сеткі школьнымі таварамі знаходзіцца на пастаянным кантролі дзяржаўных службаў і дэпутацкага корпусу. Напярэдадні…