6 ліпеня ў аграгарадку Белагурна прайшло свята «Як на Івана, ды на Купалу».
Праграму свята склала тэатралізаваная дзея, у час якой галоўны герой Іван Купала з дзецьмі здабывалі чароўную паходню, каб запаліць ачышчальнае купальскае вогнішча. Давялося ім наведацца ў пошуках паходні да Бабы Ягі, Вадзяніка і Лесавіка. Дзеці актыўна ўдзельнічалі ў гульнях, конкурсах. Пасля запальвання вогнішча дзяўчаты-русалкі ў прыгожых строях з вянкамі на галаве і кветкамі прапанавалі сваю версію абрадавага купальскага танца каля вогнішча. Актыўна ўдзельнічалі ў купальскіх дзеях і дзеці, і дарослыя. Цікава прайшоў конкурс на лепшы вянок. Дарэчы, у гэтым конкурсе ўдзельнічаў і тата траіх дзяцей, які, на думку гледачоў, і заняў першае месца. Потым спаборнічалі ў перакідванні вянка праз вогнішча, плялі самую доўгую вяроўчыну з траваў, збіралі кветкі ў букеты. Са звычаю продкаў кідалі пучкі травы ў купальскі касцёр, каб ачысціцца ад немачаў і злагады. Спальвалі салому, каб урадзіла збожжа.. Дзяўчынкі гадалі, хто першая выйдзе замуж. Гучала этнічная музыка, якая прыбаўляла чараў і загадкавасці ў дзеі. І, вядома, скакалі праз вогнішча. Танчылі.
Сёлета ва ўстановах адукацыі Дзятлаўшчыны ўкаранёна новая форма аказання дапамогі і падтрымкі навучэнцам – “Пошта…
У Год беларускай жанчыны асабліва прыемна адзначаць поспехі тых, хто сваім талентам, адданасцю і шчырай…
На Дзятлаўшчыне прайшоў семінар-нарада па ўмовах і ахове працы, накіраваны на прафілактыку вытворчага траўматызму, для…
10 чэрвеня пляцоўка каля Дварэцкага дома культуры ператварылася ў сапраўдны кірмаш талентаў, спартыўнага запалу і…
10 чэрвеня Дзятлаўшчыну з рабочым візітам наведаў міністр жыллёва-камунальнай гаспадаркі Рэспублікі Беларусь Генадзь Трубіла. Ён…
Сёння на стадыёне “Колас” сабраліся самыя актыўныя, спартыўныя выхаванцы аздараўленчых летнікаў на раённую спартландыю “Звонкія…