24 лютага на базе раённага Цэнтра культуры і народнай творчасці прайшоў Савет аддзела ідэалагічнай работы, культуры і па справах моладзі Дзятлаўскага райвыканкама. У час сустрэчы прадстаўнікоў ідэалагічнага актыву раёна былі падведзены вынікі работы за 2015 год і вызначаны асноўныя напрамкі дзейнасці на 2016-ы, які абвешчаны ў Беларусі Годам культуры.
З дакладам выступіў намеснік начальніка аддзела ідэалагічнай работы, культуры і па справах моладзі Дзятлаўскага райвыканкама Аляксандр Камароў. Ён тэзісна падвёў вынікі леташняй работы аддзела і падзякаваў прысутным за плённае супрацоўніцтва па падрыхтоўцы выбараў Прэзідэнта Рэспублікі Беларусь, мерапрыемстваў да Года моладзі, 70-годдзя Вялікай Перамогі.
Намеснік начальніка аддзела ідэалагічнай работы, культуры і па справах моладзі Дзятлаўскага райвыканкама Васіль Шыцько адзначыў, што работа ў сферы культуры па выніках мінулага года была прызнана недастатковай: даведзены план выканання платных паслугаў быў выкананы менш чым на 90%. 2016 – Год культуры звязаны з вялікай колькасцю культурных падзей на Дзятлаўшчыне, удзелам у абласных мерапрыемствах, наладжваннем трансгранічнага культурнага супрацоўніцтва. Гэты год вымагае ад работнікаў культуры, музеяў, бібліятэк новага падыхода да сваёй работы.
Перадавым вопытам ідэалагічнай работы ў працоўным калектыве падзялілася намеснік старшыні СВК “Граніт-Агра” па ідэалагічнай рабоце Людміла Мядзведзь.
Дырэктар Дзятлаўскага цэнтра культуры і народнай творчасці Таццяна Губко ў сваім выступленні заўважыла, што адным з прыярытэтных напрамкаў работы стане арганізацыя вольнага часу школьнікаў і моладзі.
Нагадаў пра будучыя парламенцкія выбары і запрасіў арганізацыі Дзятлаўшчыны да больш актыўнага супрацоўніцтва старшыня раённай арганізацыі грамадскага аб’яднання “Белая Русь”, галоўны рэдактар газеты “Перамога” Алег Кудзінаў. Ён уручыў актывістам арганізацыі памятныя падарункі.
— Сёння ідэалагічная работа ў кожным з працоўных калектываў не абмяжоўваецца правядзеннем Адзіных дзён інфармавання насельніцтва і абнаўленнем інфармацыйнага стэнда. На чале вашай дзейнасці павінны стаяць інтарэсы чалавека, работніка арганізацыі, яго дабрабыт.
На завяршэнні сходу лепшыя ідэалагічныя работнікі раёна былі ўзнагароджаны граматамі і дыпломамі.
Н. АВЯРЧУК
Фота аўтара
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…