На вуліцах горада ўсё часцей можна сустрэць электрамабілі, а ў дзятлаўчан зноў і зноў узнікаюць пытанні аб станцыі хуткай зарадкі.
Адно з іх паступіла ў чат-бот газеты “Перамога”:
– У горадзе Дзятлаве абяцалі ўстанавіць хуткую зарадную станцыю, але на цяперашні час ёсць толькі марудная на вуліцы Савецкай. Прашу ўдакладніць планавыя тэрміны ўстаноўкі хуткай DC-станцыі.
Адказ на гэта пытанне даў намеснік старшыні райвыканкама Дзмітрый Баравік:
– Як ужо згадвалася раней, у чацвёртым квартале гэтага года запланавана ўстаноўка зараднай станцыі на аўтамабільнай паркоўцы, размешчанай за будынкам па вуліцы Савецкая, 14А ў горадзе Дзятлаве. Цяпер праект знаходзіцца на этапе ўзгаднення.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
