Ведаеце, чаму гарадскі пляж у Дзятлаве стаў месцам прыцягнення дарослых, дзяцей і моладзі? Сакрэт просты: нядаўна тут з’явілася новая воркаўт-пляцоўка і новыя катамараны, каб найлепшым чынам бавіць час разам на пляжы і возеры.
Магчымасць за сімвалічную суму паплаваць на катамаранах, не пакідаючы Дзятлава, мясцовыя жыхары атрымалі дзякуючы спонсарскай дапамозе.
– Шчодрым падарункам аматараў пляжнага адпачынку сёлета парадавалі сельгаспрадпрыемствы раёна: ААТ “Граніт-Агра”, КСУП “Хвінявічы” і “Войневічы” за ўласныя сродкі набылі тры катамараны коштам па 4 тысячы рублёў кожны. Цяпер яны знаходзяцца на балансе раённага фізкультурнага клуба і ўжо карыстаюцца папулярнасцю ў дзятлаўчан і гасцей раёна, – расказала дырэктар Дзятлаўскага фізкультурна-спартыўнага клуба Вольга Васіленка. – Хачу выказаць словы ўдзячнасці спонсарам, якія, нягледзячы на гарачую пару жніва, штодзённыя клопаты і актуальныя задачы, робяць шмат для дабрабыту дзятлаўчан, каб тыя маглі бавіць час цікава і карысна.
Навучэнка сярэдняй школы № 3 горада Дзятлава імя І. Ю. Філідовіча Арына Ганчар, якая прыйшла адпачыць на возера разам з сястрой, татам і сяброўкамі, падзялілася ўражаннямі ад воднага падарожжа:
– Вельмі здорава, што паплаваць на катамаране мы можам у сваім горадзе. Сёння я тут разам з татам, але абавязкова буду прыходзіць яшчэ. Увогуле, пляж стаў утульным і прыгожым, тут можна купацца і адпачываць на драўляных шэзлонгах, гуляць кампаніяй у пляжны валейбол, што мы таксама ахвотна робім.
З’яўленне новай шматфункцыянальнай спартыўнай пляцоўкі стала лагічным прадаўжэннем работы па развіцці інфраструктуры гарадскога пляжа.
– У мінулым годзе на пляжы абнавілі паплаўковую лінію, устанавілі арэлі, шэзлонгі, інфармацыйныя шчыты, зманціравалі валейбольную пляцоўку, – расказаў дырэктар Дзятлаўскага РУП ЖКГ Васіль Пяцюк. – Сёлета пракладваем да гэтага месца дарожку, якая будзе асфальтавана. А для таго, каб дзятлаўчане заставаліся спартыўнымі і пазітыўнымі, было вырашана ўсталяваць на пляжы спартыўны комплекс, які каштаваў больш за 26 тысяч рублёў. Ён быў закуплены за сродкі Дзятлаўскага РУП ЖКГ. За стварэнне спартыўнага комплексу для дзятлаўчан узялася адна з мінскіх фірм, мантаж са стварэннем бетоннай пляцоўкі праводзім сваімі сіламі. Ён даступны для ўсіх жадаючых: спадзяёмся, дзятлаўчане з радасцю будуць тут займацца спортам або проста бавіць час.
Старшакласнік сярэдняй школы № 1 горада Дзятлава імя А. М. Чурылы Яўген Кавальскі прыходзіць на пляж не толькі адпачыць, але і падтрымаць спартыўную форму, у чым выдатна дапамагае трэнажорны комплекс.
– Цудоўная пляцоўка для заняткаў фізічнай культурай! – гаворыць юнак. – Мне падабаецца, што трэнажоры на вуліцы, у свабодным доступе, бо не трэба падладжвацца пад нечы рэжым работы. Ёсць вольны час – і я на пляжы, тут можна сумяшчаць спорт з адпачынкам на вадзе. Комплекс шматфункцыянальны, падыходзіць для трэніроўкі розных груп мышц. Думаю прыходзіць сюды займацца рэгулярна.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае #ГОД БЛАГОУСТРОЙСТВА
81-ю гадавіну Перамогі савецкага народа ў Вялікай Айчыннай вайне дзятлаўчане сустрэлі Маршам памяці і ўрачыстым…
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…