З кожным вясновым днём усё больш відаць, як не толькі абуджаецца прырода пасля марознай сёлетняй зімы, але і абнаўляецца і прыгажэе родны горад. Дзятлаўчане актыўна далучаюцца да месячніка па навядзенні парадку, які будзе доўжыцца яшчэ да сярэдзіны красавіка.
На яўрэйскіх могілках у райцэнтры працуюць работнікі Дзятлаўскага РУП ЖКГ.
– Штогод мы прымаем удзел у суботніках. Восенню звычайна наводзім парадак у гарадскім парку, а вясной – на розных аб’ектах, – расказвае дырэктар прадпрыемства Васіль Пяцюк. – Летась фарбавалі агароджу па вуліцах Камсамольскай і Савецкай, у гэтым годзе – ачышчаем яўрэйскія могілкі ў Дзятлаве. Выразаем кустарнікі, аварыйныя дрэвы і галлё, выграбаем сухую леташнюю траву, збіраем смецце. У работах прымае ўдзел увесь інжынерна-тэхнічны персанал, адміністрацыя, бухгалтэрыя, эканамісты, майстры. Настрой на працу ў нас заўжды баявы і адказны, таму што наводзім парадак на ўчастках, якія абслугоўвае наша жыллёва-камунальная гаспадарка на працягу года. Стараемся зрабіць усё як мага лепш, каб у наступным палегчыць работу нашым дворнікам.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
