У адпаведнасці з пастановай Савета Міністраў Рэспублікі Беларусь ад 23 ліпеня 2012 года №667 “Аб некаторых пытаннях работы са зваротамі грамадзян і юрыдычных асобаў” устаноўлена, што ў час правядзення “Прамой тэлефоннай лініі” грамадзяне і юрыдычныя асобы звяртаюцца ў арганізацыю па пытаннях, якія ўваходзяць у яе кампетэнцыю, або па загадзя плануемай тэме, абумоўленай яе актуальнасцю.
“Прамая тэлефонная лінія” праводзіцца кіраўнікамі арганізацый і іх намеснікамі не радзей за адзін раз у квартал. Кіраўнікамі рэспубліканскіх органаў дзяржаўнага кіравання, мясцовых выканаўчых і распарадчых органаў і (або) іх намеснікамі “Прамая тэлефонная лінія” праводзіцца па графіку кожную суботу з 9 да 12 гадзін.
Пры звароце на “Прамую тэлефонную лінію” грамадзянін павінен паведаміць сваё прозвішча, уласнае імя, імя па бацьку (пры яго наяўнасці), даныя аб месцы жыхарства і (або) працы (вучобы), а прадстаўнік юрыдычнай асобы — прозвішча, уласнае імя, імя па бацьку (пры яго наяўнасці), назву прадстаўляемай ім юрыдычнай асобы і яе юрыдычны адрас, выказаць сутнасць звароту.
Пры адмове асобы, якая звярнулася на “Прамую тэлефонную лінію”, паведаміць звесткі пра сябе, яму паведамляецца, што зварот ананімны, і адказ на такі зварот не даецца, за выключэннем выпадкаў, калі ён змяшчае звесткі аб злачынстве, якое рыхтуецца, здзяйсняецца ці здзейснена.
У ходзе “Прамой тэлефоннай лініі” грамадзянам і юрыдычным асобам даюцца поўныя і вычарпальныя адказы на зададзеныя імі пытанні ў межах кампетэнцыі арганізацыі.
У выпадку, калі зварот або асобныя пытанні, якія паступілі ў ходзе “Прамой тэлефоннай лініі”, не адносяцца да кампетэнцыі арганізацыі, грамадзяніну і юрыдычнай асобе тлумачыцца, у якую арганізацыю ім неабходна звярнуцца.
Аб выніках разгляду зваротаў, не дазволеных у ходзе “Прамой тэлефоннай лініі”, грамадзянам і юрыдычным асобам паведамляецца ў пятнаццацiдзённы тэрмiн з дня рэгiстрацыi зваротаў у арганізацыі.
Пры неабходнасці дадатковага вывучэння пытання, правядзення спецыяльнай праверкі або запыту адпаведнай інфармацыі тэрмін разгляду такіх зваротаў можа быць прадоўжаны да аднаго месяца.
У выпадку, калі для вырашэння пытанняў, якія паступілі ў ходзе “Прамой тэлефоннай лініі”, неабходны здзяйсненне пэўных вызначаных дзеянняў (выкананне работ, аказанне паслугаў), атрыманне інфармацыі з замежнай дзяржавы ў тэрміны, якія перавышаюць месячны тэрмін, грамадзяніну і юрыдычнай асобе не пазней за адзін месяц з дня рэгістрацыі зваротаў у арганізацыі накіроўваюцца пісьмовыя паведамленні аб прычынах перавышэння месячнага тэрміну і тэрмінах здзяйснення такіх дзеянняў (выканання работ, аказання паслугаў) або тэрмінах разгляду зваротаў па сутнасці.
На “Гарачую лінію” арганізацыі грамадзяне і юрыдычныя асобы звяртаюцца па пытаннях даведачна-кансультацыйнага характару, звязаных з яе дзейнасцю.
“Гарачая лінія” праводзіцца спецыялістамі арганізацыі ў працоўны час у працоўныя дні. Пры гэтым кіраўніком арганізацыі могуць быць устаноўлены дадатковыя дні і час яе правядзення. Звароты, якія паступілі ў ходзе “Гарачай лініі”, не падлягаюць рэгістрацыі.
Прыём зваротаў у ходзе “Гарачай лініі” або “Прамой тэлефоннай лініі” можа быць спынены, калі грамадзянін або прадстаўнік юрыдычнай асобы дапускае ўжыванне нецэнзурных або абразлівых словаў ці выразаў.
“Гарачыя лініі” Дзятлаўскага раёна:
Дзятлаўскі райвыканкам — 8(01563)2-71-61;
Аддзел адукацыі, спорту і турызму Дзятлаўскага райвыканкама — 8(01563)2-15-58, 8(01563)2-50-46;
ДУ “Дзятлаўскі раённы цэнтр гігіены і эпідэміялогіі” — 8(01563)2-12-13;
УАЗ “Дзятлаўская цэнтральная раённая бальніца” — 8(01563) 2-56-91;
ДУ “Цэнтр сацыяльнага абслугоўвання насельніцтва Дзятлаўскага раёна” — 8(01563)2-65-23;
Дзятлаўскае РУП ЖКГ — 8(01563)2-19-76, 8(01563)2-15-93;
Дзятлаўскі філіял Гродзенскага абласнога спажывецкага таварыства — 8(01563)2-10-97, 8(01563)2-16-82;
Дзятлаўскі раённы ваенны камісарыят — 8(01563)2-15-03, 8(01563)2-10-61;
Дзятлаўскі раён газазабеспячэння вытворчага ўпраўлення Слонімгаз — 8(01563)6-04-90.
М. ПАНКЕВІЧ,
загадчыца сектара па рабоце са зваротамі грамадзян і юрыдычных асобаў
