Фестывалі, святы, конкурсы

29 кастрычніка

• ў філіяле №2 “Цэнтр спадчыны” горада Гродна будзе праводзіцца свята шэрсці і валяння “Шэрсціваль”. У праграме мерапрыемства: дэфіле калекцыі з валянай шэрсці беларускіх дызайнераў, выстава вырабаў, выкананых у розных тэхніках валяння.
  Пачатак у 14 гадзін.

• аграгарадок Дзітва Лідскага раёна запрашае ўсіх жадаючых наведаць свята “Хрусцім, хрусцім капустай”. У праграме самага хрумсткага мерапрыемства: агароднінны кірмаш, конкурс прыпевак, прыказак і прымавак аб капусце, конкурс на самы вялікі качан капусты, дзіцячы конкурс касцюма з капусты, выставы малюнкаў і вырабаў, унікальны майстар-клас па квашанні капусты па старадаўніх сямейных рэцэптах лепшых гаспадыняў аграгарадка Дзітва, дэгустацыя страваў з капусты.
  Пачатак у 14 гадзін.