Прадаўжаецца “Тыдзень лесу-2021”, у якім паўдзельнічалі навучэнцы гімназіі № 1 горада Дзятлава.
Школьнікі прыбіралі тэрыторыю ляснога квартала Новаяльнянскага лясніцтва.
Гімназісты ачысцілі лясны масіў плошчай 3,6 гектара, прыбраўшы пры гэтым паўкуба смецця.
З 3 па 10 красавіка 2021 года ў Беларусі праходзіць рэспубліканская добраахвотная акцыя “Тыдзень лесу”, ініцыятарам якой выступае Міністэрства лясной гаспадаркі Рэспублікі Беларусь. Галоўная мэта – захаванне і прымнажэнне лясоў, прыцягненне ўвагі грамадскасці да вырашэння агульнадзяржаўных задач у сферы ўзмацнення экалагічнай, эканамічнай і сацыяльнай ролі лясоў. У гэтым годзе акцыя “Тыдзень лесу-2021” прымеркавана да Года народнага адзінства.
Валанцёры 9, 11 класаў Хвінявіцкага дзіцячага сада-сярэдняй школы актыўна ўключыліся ў правядзенне акцыі. Юнакі і дзяўчаты сумесна з педагогамі высаджвалі саджанцы хвоі.
Фота прадастаўлена Дзятлаўскім лясгасам,
Хвінявіцкім дзіцячым садам-сярэдняй школай
