Дыялог пакаленняў

У Хвінявіцкім дзіцячым садзе-сярэдняй школе прайшла адзіная інфармацыйная гадзіна “ШАГ” па тэме “Пра духоўныя і маральныя каштоўнасці: дыялог пакаленняў”.

На імідж-кактэйль завітаў настаяцель Накрышскай Барыса-Глебскай царквы айцец Мікалай.

У блоку “Мы даведваемся” навучэнцы агучылі іерархію духоўных каштоўнасцяў  беларускага народа. Засяродзілі ўвагу на тым, што духоўнае адраджэнне – справа агульная. Падчас сустрэчы ўзгадалі аб дзяржаўнай прэміі “За духоўнае адраджэнне”, прагледзелі відэаролік па дадзенай тэматыцы.

У блоку “ Мы разважаем” навучэнцы 8-11 класаў актыўна ўключыліся ў абмеркаванне праблемы духоўнасці сучаснага грамадства. Зацікавіла прысутных рубрыка “Вузельчык на памяць”, падчас якой прагучалі  выказванні старажытнагрэчаскіх і рымскіх філосафаў пра маральныя каштоўнасці чалавека, якія выклікалі ў прысутных дыскусію: якія каштоўнасці для сучаснай моладзі сапраўдныя, а якія ўяўныя? Айцец Мікалай падзяліўся з навучэнцамі хрысціянскімі прынцыпамі жыцця, адзначыў, што неабходна з адказнасцю ставіцца да захавання і развіцця культурна-гістарычнай спадчыны, узгадаў пра падзвіжніцкую асветніцкую дзейнасць ганаровага Патрыяршага экзарха ўсяя Беларусі Філарэта, яго вялікі асабісты ўклад у духоўнае адраджэнне беларускага народа: у 2006 годзе ён быў удастоены ганаровага звання “Герой Беларусі”.

Апошні крок – “Мы дзейнічаем”. Тут школьнікі  падзяліліся вопытам па рэалізацыі праекта “Навучы сваё сэрца дабрыні”. Прысутныя атрымалі памятку “Маральныя асновы жыцця”.

Мерапрыемства паказала, што старшакласнікі адказна адносяцца да свайго жыцця, гатовы самаўдасканальвацца і развівацца, каб прыносіць карысць сваёй Радзіме.

Таццяна ЖЫНКО,
настаўніца Хвінявіцкага дзіцячага сада-сярэдняй школы